ટીમ ઈન્ડિયાએ આજે ટૉસ જીતીને પ્રથમ બેટિંગ કરવાનો નિર્ણય કર્યો હતો. જેમાં ઓપનિંગમાં રોહિત શર્મા (28) અને શિખર ધવને (98) મજબૂત શરૂઆત કરી હતી
ટીમ ઈન્ડિયાએ ટૉસ જીતીને પ્રથમ બેટિંગ કરવાનો નિર્ણય કર્યો
ડૅબ્યુ મૅચમાં કૃણાલ પંડ્યાએ જોરદાર બૅટિંગ કરીને
શિખર ધવને ધૂઆંધાર 98 રન ફટકાર્યા
કૃણાલ પંડયાનો કમાલ
ટીમ ઈન્ડિયાએ 50 ઓવરમાં 317/5 રન બનાવ્યાં છે. ડૅબ્યુ મૅચમાં કૃણાલ પંડ્યાએ જોરદાર બૅટિંગ કરીને હાફ સેન્ચૂરી ફટકારી હતી. જ્યારે શિખર ધવને સૌથી વધુ 98 રન ફટકાર્યા હતાં. પૂણેમાં ભારત અને ઈંગ્લેન્ડ વચ્ચેની વન-ડે સીરિઝની આજે પ્રથમ મૅચમાં ભારતે સારી શરૂઆત કરીને હરીફ ટીમને 318 રનનો લક્ષ્યાંક આપ્યો હતો.
કોહલી ધવને ઈનિંગ સંભાળી
ટીમ ઈન્ડિયાએ આજે ટૉસ જીતીને પ્રથમ બેટિંગ કરવાનો નિર્ણય કર્યો હતો. જેમાં ઓપનિંગમાં રોહિત શર્મા (28) અને શિખર ધવને (98) મજબૂત શરૂઆત કરી હતી. જો કે 15મી ઓવરમાં 64 રન પર ભારતની પ્રથમ વિકેટ રોહિત શર્માના સ્વરૂપમાં પડી હતી. બેન સ્ટોક્સના બોલમાં રોહિત મોર્ગનના હાથે કેચ આઉટ થયો હતો. ત્યાર બાદ ધવન અને કોહલી (56) એ ભારતની ઈનિંગ સંભાળી હતી. આજે જ્યારે સૌ કોઈ કોહલીની સદીની રાહ જોઈ રહ્યું હતું તે ફરીથી એક વખત બની શક્યુ ન હતું. વુડના બોલ પર કોહલી આઉટ થયો હતો.
સ્ટોક્સનો સપાટો : 3 વિકેટ ઝડપી
ભારત તરફથી શ્રેયસ ઐયર માત્ર 6 રન બનાવી આઉટ થયો હતો જ્યારે છેલ્લી કેટલીક મેચોથી આઉટ ઓફ ફોર્મમાં રહેલાં કે.એલ રાહુલે આજે 62 રનની શાનદાર ઈનિંગ રમીને ટીકાકારોના મોઢાં બંધ કરી દીધાં હતાં. પંડ્યા બ્રધર્સમાં હાર્દિક પંડ્યા માત્ર 1 રન બનાવી સ્ટોક્સના બોલમાં કેચ આઉટ થયો હતો. જ્યારે પોતાની ડૅબ્યુ મેચમાં કૃણાલ પંડ્યાએ 31 બોલમાં 58 રનન ધમાકેદારા ઈનિંગ રમીને ભારતના સ્કોરને 300 પાર કરાવવામાં મોટો ફાળો આપ્યો હતો. ઈંગ્લેન્ડ તરફથી સૌથી વધુ 3 વિકેટ સ્ટોક્સે ઝડપી હતી. જ્યારે માર્ક વુડે 2 વિકેટો ખેરવી હતી.