તાકાત / હવે ખેર નથી, ભારતના આ પગલાથી ફફડશે દુશ્મનો

સૂત્રો પ્રમાણે, એન્ટી મિસાઈલને યુદ્ધક MI-35માં લગાડવાથી દુશ્મનોના ટેન્ક અને અન્ય હથિયારો સાથે લડવાની ક્ષમતા હાંસિલ થશે. MI-35 ભારતીય વાયુસેનાનું યુદ્ધક વિમાન છે. જેને અમેરિકાના અપાચેના સ્થાને લાવવામાં આવ્યું છે. ભારત લાંબા સમયથી રશિયાથી મિસાઈલો ખરીદવા માગતું હતું. પરંતુ એક દાયકા કરતા વધારે સમયથી આ ડીલ અટકી હતી.

સેના યુદ્ધની સ્થિતી સામે લડવા માટે તૈયાર રહેશે

ગત સપ્તાહે રક્ષા મંત્રી રાજનાથ સિંહની હાજરીમાં કટોકટીની જોગવાઈઓ હેઠળ ત્રણ સેનાઓ તરફથી કરાનારી ખરીદી અંગે એક પ્રેઝેન્ટેશન કરાયું હતું. જેમાં કટોકટીની જોગવાઈનો ઉપયોગ હથિયાર ખરીદવામાં ભારતીય વાયુસેના આગળ રહી છે.

સરકારના સૂત્રો પ્રમાણે, તાત્કાલિક યુદ્ધની સ્થિતીને ધ્યાનમાં રાખતા કટોકટીની જોગવાઈ હેઠળ વાયુસેનાએ ઘણા દેશો સાથે સ્પાઈસ 200 સ્ટેન્ડ ઓફ વેપન સિસ્ટમ ઘણા બીજી સ્પેયર અને એર ટુ એર મિસાઈલની ડીલ કરી છે.