ભારત અને રુસની વચ્ચે એકે -47 203 રાઈફલ્સને લઈને ડીલ ફાઈનલ થઈ ગઈ છે. હવે આ રાઈફલને ભારતમાં તૈયાર કરવામાં આવશે. એકે 47 203ને એકે 47 નું સૌથી એડવાન્સ વર્ઝન માનવામાં આવે છે. હવે આ ઈન્ડિયન સ્મોલ આર્મ્સ સિસ્ટમ(ઈન્સાસ) અસૌલ્ટ રાઈફલની જગ્યાએ હશે.
ભારતીય સેનામાં INSASનો ઉપયોગ 1996થી ચાલતો આવ્યો છે પણ..
INSASમાં હિમાલયની ઉંચાઈ પર જામ થવા અને મેગ્જીનના ક્રેક થવાની સમસ્યા વધી છે
ભારતને લગભગ 7 લાખથી વઘારે એકે 47 203 રાઈફલની જરુર છે.
આ ડીલ પર એસસીઓ(શાંઘાઈ કોર્પોરેશન ઓર્ગેનાઈઝેશન) સમિટ દરમિયાન સહમતિ બની છે. રાજનાથ સિંહ આ સમિટમાં ભાગ લેવા માટે રશિયામાં હાજર છે. ત્યારે આ રાઈફલ હિમાલયના વિસ્તારોમાં વધારે ઉપયોગી નિવડે છે. ભારતીય સેનામાં INSASનો ઉપયોગ 1996થી ચાલતો આવ્યો છે અને તેમાં હિમાલયની ઉંચાઈ પર જામ થવા અને મેગ્જીનના ક્રેક થવાની સમસ્યા વધી છે.
રશિયાની મીડિયા રિપોર્ટ મુજબ ભારતને લગભગ 7 લાખથી વઘારે એકે 47 203 રાઈફલની જરુર છે. જેમાં 1 લાખ રાઈફલ આયાત કરાશે બાકી દેશમાં જ બનાવાશે. રાઈફલ્સનું ભારતમાં નિર્માણ ઈન્ડો રશિયા રાઈફલ્સ પ્રાઈવેટ લિમિટેડના સંયુક્ત ઓપરેશન હેઠળ કરવામાં આવશે. આ ડીલ ઓર્ડનેસ ફેક્ટરી અને કાલાશિનકોવ કંસર્ન અને રોસોબોરોનએક્સપોર્ટની વચ્ચે કરાઈ છે.
આ એક રાઈફલની કિંમત 1100 ડૉલર હોઈ શકે છે. જેમાં ટેક્નોલોજી ટ્રાન્સફર અને ઉત્પાદનના યુનિટ સ્થાપની કિંમતનો સમાવેશ થાય છે. આ હળવી અને નાની છે આમાં 7.62 એમએમની ગોળીનો ઉપયોગ થાય છે. ઓએફબીની 50.5 ટકા ભાગી દારી રહેશે. રશિયાના ક્લાશિનકોવ ગ્રુપની 42 ટકા ભાગીદારી રહેશે. બાકીના 7.5 ટકાની ભાગીદારી રોસોબોરોન એક્સપોર્ટની રહેશે. આનું ઉત્પાદન ઉત્તર પ્રદેશ અમેઠી સ્થિત ઓર્ડિનેસ ફેક્ટરીમાં કરાશે.
આ રાઈફલ્સ એક મિનિટમાં 600 ગોળીઓ એટલે કે 1 સેકન્ડમાં 10 ગોળીઓ ચલાવી શકે છે. આમાં ઓટોમેટિક અને સેમી ઓટોમેટિક બન્ને મોડ છે. તેની મારક ક્ષમતા 400 મીટર છે. જેને લોડ કર્યા બાદ તેનું વજન 4 કિલોગ્રામની આસપાસ છે.
ઉલ્લેખનીય છે કે શાંઘાઈ કોર્પોરેશન ઓર્ગેનાઈઝેશનની બેઠકમાં ભાગ લેવા ગયેલા રાજનાથ સિંહ ગુરુવારે રશિયાના રક્ષા મંત્રી સર્ગીને મળ્યા હતા. બન્ને વચ્ચેની ગજબની કેમેસ્ટ્રી જોવા મળી હતી. ત્યારે એવો નિર્ણય પણ થયો જે પાકિસ્તાન માટે ખતરાની ઘંટી સમાન છે.