સફળતા / એક સમયે પગમાં પહેરવાં ચપ્પલ ન હોતાં અને કોલેજમાં ધોતી પહેરી જનાર આજે છે ઈસરોના અધ્યક્ષ

નાગેરકોયલના એસટી હિન્દુ કોલેજમાંથી તેમણે સ્નાતકની ડિગ્રી પ્રાપ્ત કરી છે. સિવનએ 1980માં મદ્રાસ ઇન્સ્ટીટયૂટ ઓફ ટેકનોલોજી (એમઆઇટી)થી એયરોનોટિકલ એન્જીનિયરીંગનું ભણતર મેળવ્યું હતું.
 

ત્યારબાદ તેઓ ઇન્ડિયન ઇન્સ્ટીટયૂટ ઓફ સાઇન્સ (આઇઆઇએસસી)માંતી એન્જીનિયરીંગમાં સ્નાતકોત્તરની વિદ્યા પ્રાપ્ત કરી. 2006માં તેમણે આઇઆઈટી મુંબઇના એરોસ્પેસ એન્જીનિયરીંગમાં પીએચડીની ડીગ્રી પ્રાપ્ત કરી. સિવન સ્નાતક કરવાળા પોતાના પરિવારના પહેલા સભ્ય હતા. તેમના ભાઇ અને બહેન ગરીબાઇના કારણે પોતાની ઉચ્ચ શિક્ષા મેળવી શક્યાં નહોતા.
 

આ અંગે ઇસરોના પ્રમુખ સિવને જણાવ્યું કે જ્યારે તેઓ કોલેજમાં હતા ત્યારે તેમના પિતાને ખેતીવાડીમાં મદદ કરતાં હતા. આ જ કારણ હતું કે મારા પિતાએ નજીકની કોલેજમાં મારુ એડમિશન કરાવ્યું હતું. મારુ બાળપણ વગર ચપ્પલ અને સેન્ડલ વગર પસાર થયું હતું. હું કોલેજમાં પણ ધોતુયું પહેરીને જતો હતો. જ્યારે હું એમઆઇટીમાં ગયો ત્યારે મેં પહેલીવાર પેન્ટ પહેર્યું હતું.
 

સિવન 1982માં ઇસરોમાં સામેલ થયા. અહીં તેમણે લગભગ દરેક રોકેટ કાર્યક્રમમાં ભાગ લીધો. જાન્યુઆરી 2018માં ઇસરોમાં અધ્યક્ષનો પદભાર સંભાળ્યા પહેલા તેઓ વિક્રમ સારાભાઇ સ્પેસ સેન્ટરના નિર્દેશક રહી ચૂક્યા હતા. ત્યાં સેન્ટર રોકેટ બનાવતા હતા. 15 ફેબ્રુઆરી 2017માં ભારત દ્વારા એકસાથે 104 ઉપગ્રહનું પ્રક્ષેપણ કર્યું ત્યારે તેમણે મહત્વની જવાબદારી નિભાવી હતી.