મહામારી / દેશમાં કોરોના ફરી બેકાબૂ બન્યો, 24 કલાકમાં 58,097 નવા કેસ, મોતના આંકડા પણ ડરાવનારા

• દેશમાં કોરોનાના દૈનિક કેસ ફરી 50 હજારને પાર
• આજે  કોરોનાના નવા કેસ 58 હજાર 97 નોધાયા 
• દેશમાં છેલ્લા 24 કલાકમાં  534ના મૃત્યુ

India reports 58,097 fresh COVID cases, 15,389 recoveries, and 534 deaths in the last 24 hours

Daily positivity rate: 4.18%

Active cases: 2,14,004
Total recoveries: 3,43,21,803
Death toll: 4,82,551

Total vaccination: 147.72 crore doses pic.twitter.com/3cLdlq6Bxm

— ANI (@ANI) January 5, 2022

દેશમાં જીવલેણ કોરોના વાયરસની ગતિ બેકાબૂ બની રહી છે. 

બીજી તરફ કોરોનાના સૌથી ખતરનાક પ્રકાર ઓમિક્રોનના કેસ પણ ઝડપથી વધી રહ્યા છે. છેલ્લા 24 કલાકમાં દેશમાં કોરોના વાયરસના 58 હજાર 97 નવા કેસ નોંધાયા છે. જ્યારે  534 લોકો મૃત્યુ પામ્યા. દેશમાં અત્યાર સુધીમાં કોરોનાના ઓમિક્રોન વેરિયન્ટના 2135 કેસ નોંધાયા છે. જાણો આજે દેશમાં કોરોનાની તાજેતરની સ્થિતિ શું છે.
 
 

અત્યાર સુધીમાં 4 લાખ 82 હજાર 551 લોકોના મોત થયા છે

કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા આંક અનુસાર, હવે દેશમાં સક્રિય કેસની સંખ્યા વધીને બે લાખ 14 હજાર 4 થઈ ગઈ છે. બીજી બાજુ, આ રોગચાળાને કારણે જીવ ગુમાવનારા લોકોની સંખ્યા વધીને 4 લાખ 82 હજાર 551 થઈ ગઈ છે. પ્રાપ્ત માહિતી અનુસાર, ગઈકાલે 15 હજાર 389 લોકો સાજા થયા હતા, ત્યારબાદ 3 કરોડ 43 લાખ 21 હજાર 803 લોકો સંક્રમણમાંથી મુક્ત થઈ ગયા છે.

અત્યાર સુધીમાં 147 કરોડથી વધુ રસીનો ડોઝ આપવામાં  આવ્યા છે

દેશવ્યાપી રસીકરણ અભિયાન હેઠળ, અત્યાર સુધીમાં એન્ટી-કોરોનાવાયરસ રસીના 147 કરોડથી વધુ ડોઝ આપવામાં આવ્યા છે. ગઈકાલે 96 લાખ 43 હજાર 238 ડોઝ આપવામાં આવ્યા હતા, ત્યારબાદ અત્યાર સુધીમાં રસીના 147 કરોડ 72 લાખ 8 હજાર 846 ડોઝ આપવામાં આવ્યા છે.
 
 

દેશમાં અત્યાર સુધીમાં ઓમિક્રોનના 2135 કેસ નોંધાયા છે

દેશમાં અત્યાર સુધીમાં 2135 લોકો Omicron વેરિયન્ટથી સંક્રમિત થયા છે. દેશમાં આ પ્રકારથી સંક્રમિત રાજ્યોની સંખ્યા વધીને 24 થઈ ગઈ છે. સૌથી વધુ કેસ મહારાષ્ટ્ર અને રાજધાની દિલ્હીમાં છે. આ પછી કેરળ ત્રીજા નંબરે છે. મહારાષ્ટ્રમાં અત્યાર સુધીમાં 653, દિલ્હીમાં 464 અને કેરળમાં 185 લોકો ઓમિક્રોનથી સંક્રમિત થયા છે.