વેપાર / ટ્રમ્પે 'સ્પેશ્યલ ટ્રેડ સ્ટેટસ' હટાવ્યું, ભારતે કહ્યું દેશ અમારા માટે પહેલાં

ભારતે કહ્યું- આ નિર્ણય દુર્ભાગ્યપૂર્ણ
અમારા લોકો પણ સારી ગુણવત્તા વાળું જીવન ઝંખે છે. ભારતે ડોનાલ્ડ ટ્રમ્પના આ નિર્ણયને દુર્ભાગ્યપૂર્ણ ગણાવ્યો છે. સાથે જ કહેવામાં આવ્યું કે, સંબંધોમાં ખાસ કરીને આર્થિક સંબંધોના ક્ષેત્રોમાં એવા કેટલાય મુદ્દાઓ જોવા મળે છે જે સમયાંતર ઉકેલાય છે.  અમે આ મુદ્દાને નિયમિત પ્રક્રિયાના એક ભાગની રીતે જોઇએ છીએ અને અમેરિકા સાથેના સંબંધો વધુ મજબૂત તેવા પ્રયાસો સતત કરતા રહીશું.

જીએસપી પ્રોગ્રામ વર્ષ 1970માં કરાયો છે શરૂ
ટ્રમ્પે કહ્યું કે ભારતના પ્રતિબંધના કારણે તેઓને વ્યાપારિક નુકસાન થઇ રહ્યું છે. અમેરિકા દ્વારા જીએસપી પ્રોગ્રામ વર્ષ 1970માં શરૂ કરવામાં આવ્યો હતો ત્યારથી ભારત તેનો લાભ લઇ રહ્યું હતું. ભારત તેનું સૌથી મોટું લાભાર્થી રહ્યું છે. આ નિર્ણયની ભારત પર અસર જોવા મળશે. આ યાદીમાં સામેલ દેશોના હજારો ઉત્પાદકોને અમેરિકામાં કર-મુક્ત છુટની અનૂમતિ દઇને આર્થિક વિકાસને વેગ આપવા માટે કરવામાં આવ્યો હતો. 
 

Commerce Ministry: In any relationship, particularly in the area of economic ties, there are issues which get resolved mutually time to time. We view this issue as a part of regular process & will continue to build on our strong ties with the US, both economic & people to people. https://t.co/J1n5PwxOL5

— ANI (@ANI) June 1, 2019

કેટલાક ઉત્પાદનો થશે મોંઘા
અમેરિકન રાષ્ટ્રપ્રમુખના આ નિર્ણયથી ભારતના કેટલાક ઉત્પાદન પર અમેરિકામાં પ્રશુલ્ક લાગવાથી મોંઘા થઇ જશે અને આમ થવાથી તેમની પ્રતિસ્પર્ધાની ક્ષમતા પણ પ્રભાવિત થઇ શકે છે. આપને જણાવી દઇએ કે, જેનરલાઇઝ્ડ સિસ્ટમ ઓફ પ્રિફરેન્સેઝ અથવા સામાન્ય તરજીહી પ્રણાલી (જીએસપી) અમેરિકા તરફથી બાકીના દેશોને વેપારમાં આપવામાં આવતી છૂટની સૌથી જૂની અને મોટી પ્રણાલી છે.

5 જૂનથી આ નિયમ બનશે અમલી
આ કાર્યક્રમ કેટલાક પસંદગીના લાભાર્થી રાષ્ટ્રોના હજારે ઉત્પાદનોને શુલ્કથી છૂટ આપીને આર્થિક વૃદ્ધિમાં વધારો કરવામાં મદદરૂપ થવા માટે અમલી બનાવવામાં આવ્યો હતો. ટ્રમ્પના કેટલાય સાંસદોના આગ્રહને નજરઅંદાજ કરતા શુક્રવારે આ મામલે ઘોષણા કરવામાં આવી કે, ભારતને અમેરિકાના રાષ્ટ્રપતિ ડોનાલ્ડ ટ્રમ્પે ભારતને વિશેષ પસંદગીવાળા દેશોની યાદીમાંથી બહાર કરી દીધું છે. આ નિયમ 5 જૂનથી લાગુ થશે.