વિશ્વમાં કોરોનાનો કહેર દિવસેને દિવસે વધી રહ્યો છે. એક દિવસમાં જે આંકડા નોંધાય છે તે ચિંતામાં સતત વધારો કરી રહ્યા છે. ત્યારે ભારતના એક દિવસમાં નોંધાતા આંકડા પણ ડરાવના છે. વિશ્વમાં એક દિવસમાં 3 લાખ 1 હજાર 521 કેસ નોંધાયા છે. તો ભારતમાં એક દિવસમાં કોરોનાના 96 હજાર 760 કેસ નોંધાયા છે.
ભારતમાં એક દિવસમાં કોરોનાના 96 હજાર 760 કેસ નોંધાયા
દુનિયામાં એક દિવસમાં 3 લાખ 1 હજાર 521 કેસ નોંધાયા
વિશ્વમાં કોરોનાથી 5 હજાર 984ના મૃત્યુ થયા છે
ભારતમાં જે રીતે સંક્રમણ વધી રહ્યું છે તે ડરાવનું છે. ભારતમાં એક દિવસમાં કોરોનાના 96 હજાર 760 કેસ નોંધાયા છે. જ્યારે એક દિવસમાં 70 હજાર 899 લોકો કોરોનાથી સ્વસ્થ થયા છે. તો એક દિવસમાં કોરોનાથી 1213 લોકોના મૃત્યુ નિપજ્યા છે. હાલ દેશમાં કોરોનાના કુલ કેસની સંખ્યા 45 લાખ 59 હજાર 725 કેસ છે.
મહારાષ્ટ્રમાં રેકોર્ડ બ્રેક 23 હજાર 446 કેસ નોંધાયા છે. તો આંધ્રપ્રદેશમાં 10 હજાર 175 કેસ નોંધાયા છે. કર્ણાટકમાં પણ 9 હજાર 217 કેસ નોંધાયા છે. જ્યારે
ઉત્તર પ્રદેશમાં 6988 અને તમિલનાડુમાં 5528 કેસ સામે આવ્યા છે. દિલ્હીમાં 4308 કેસ અને ઓડિશામાં 3991 કેસ નોંધાયા છે.
વિશ્વની વાત કરીએ તો દુનિયામાં એક દિવસમાં 3 લાખ 1 હજાર 521 કેસ નોંધાયા છે. જે આંકડો ચોંકાવનારો છે. એક દિવસમાં વિશ્વમાં કોરોનાથી 5 હજાર 984ના મૃત્યુ થયા છે. જ્યારે કોરોનાના એક્ટીવ કેસ 70 લાખ 71 હજાર 483 છે. સમગ્ર વિશ્વમાં કોરોનાના કુલ કેસ 2 કરોડ 83 લાખ 16 હજાર 605 છે. ત્યારે સારી વાત એ છે કે વિશ્વમાં કોરોનાથી અત્યાર સુધીમા 2 કરોડ 33 લાખ 1 હજાર 838 લોકો સ્વસ્થ થયા છે.