ફ્રાન્સ દ્વારા પ્રથમ રાફેલ લડાકુ વિમાન ભારતીય વાયુસેનાને સોંપવામાં આવ્યું છે. વાયુસેનાના ઉપ પ્રમુખ ચીફ એર માર્શલ વીઆર ચૌધરીએ લગભગ એક કલાક વિમાનમાં ઉડાન ભરી હતી. ભારતીય વાયુસેનાના સૂત્રોના જણાવ્યા અનુસાર ગુરુવારે ફ્રાન્સે રાફેલ વિમાન ભારતને સોંપ્યું હતું. આ રાફેલ વિમાનનો ટેલ નંબર RB-001 છે, જેમાં ભારતીય વાયુ સેનાના આગામી ચીફ એર માર્શલ રાકેશકુમારસિંહ ભદૌરિયાનું નામ દર્શાવે છે.
ભારતની તાકાતમાં વધારો
ફ્રાન્સે ભારતને સોપ્યું રાફેલ વિમાન
રાકેશકુમાર ભદૌરિયાબી.એસ. ધનોઆનું લેશે સ્થાન
ભદૌરિયાએ રાફેલ ફાઇટર જેટ ઉડાવી ચૂક્યા છે. તે રાફેલ લડાકુ વિમાન ઉડાડનારા ભારતીય વાયુસેનાના પ્રથમ પાઇલટ છે. ગુરુવારે ભારતીય વાયુસેનાના નવા ચીફ તરીકે તેમની નિમણૂંક કરવામાં આવી છે. તેઓ એર ચીફ માર્શલ બી.એસ. ધનોઆનું સ્થાન લેશે. ધનોઆ 30 સપ્ટેમ્બરના રોજ ચીફ ઓફ એર સ્ટાફના પદ પરથી નિવૃત્ત થઈ રહ્યા છે.
26 પ્રકારના લડાકુ વિમાન ઉડાવવાનો છે અનુભવ
એર માર્શલ ભદૌરિયા 26 પ્રકારના લડાકુ અને પરિવહન વિમાન ઉડાનમાં પારંગત છે. તેની પાસે 4250 કલાક ફાઇટર એરક્રાફ્ટ અને ટ્રાન્સપોર્ટ એરક્રાફ્ટ ઉડાવવાનો અનુભવ છે. તેમને પરમ વિશિષ્ટ સેવા મેડલ (PVSM), અતિ વિશિષ્ટ સેવા મેડલ (AVSM), એર સર્વિસ મેડલ (VM) અને એડીસીથી પણ એનાયત કરવામાં આવ્યા છે.