ભ્રષ્ટાચાર ઓછો કરવાને લઇને અનેક દાવાઓ થયા પરંતુ ચિત્ર હજુ પણ જૂનુ જ દેખાઇ રહ્યું છે. આની માહિતી આપણને ગ્લોબલ ભ્રષ્ટાચાર પરસેપ્શન ઇન્ડેક્સ (વૈશ્વિક ભ્રષ્ટાચાર ધારણા સૂચકાંક) 2019માં જોવા મળી રહી છે.
ટ્રન્સપેરેન્સી ઇન્ટરનેશનલ સંસ્થાએ 180 દેશોની યાદી જાહેર કરી
દુનિયામાં ભારત 80માં નંબર પર રહ્યું
ભૂટાન 68માં નંબરથી 25માં નંબર પર
દુનિયામાં એવા દેશોની યાદી જ્યાં ભ્રષ્ટાચાર ઓછો છે, આપણે ચીન સાથે સંયુક્ત રીતે 80માં રેન્ક પર છીએ. 'ટ્રન્સપેરેન્સી ઇન્ટરનેશનલ' દર વર્ષ તમામ દેશોમાં ભ્રષ્ટાચારની સ્થિતિને લઇને રેન્કિંગ જાહેર કરે છે. આ વખતે પણ સંસ્થાએ 180 દેશોની યાદી જાહેર કરી છે, જેમાં ભારત 80માં નંબર પર રહ્યું છે.
મહત્વની વાત એ છે કે 80માં રેન્કિંગ પર ભારત-ચીન સિવાય સંયુક્ત રીતે બેનિન, ઘાના અને મોરક્કો જેવા દેશ છે. સૌથી ઓછા ભ્રષ્ટાચાર કરનારા દેશોમાં ડેનમાર્ક પ્રથમ છે. ન્યૂઝીલેન્ડ તેની સાથે સંયુક્ત રીતે પ્રથમ નંબર પર છે. ત્યાર બાદ ફિનલેન્ડ, સિંગાપુર, સ્વીડન, સ્વિત્ઝરલેન્ડ અને નૉર્વેનો નંબર આવે છે.
પાકિસ્તાનમાં અત્યંત ખરાબ હાલત
પાડોશી દેશ પાકિસ્તાનમાં ભ્રષ્ટાચાર પર કેટલી રોક લગાવી શકાઇ છે, તેનો અંદાજો તેના રેન્કિંગ પરથી લગાવી શકાય છે. 180 દેશોમાં તેની રેન્કિંગ 120 છે અને તેનો સ્કોર અંદાજિત 32 રહ્યો.
સોમાલિયા સૌથી નિચેના ક્રમે
વૈશ્વિક રેન્કિંગમાં સોમાલિયા સૌથી નિચેના એટલે 180માં નંબર પર છે. તે પહેલા દક્ષિણી સૂદાન, સીરિયા, યમન અને વેનેજુએલા જેવા દેશ છે.
ભૂટાન મુખ્ય 25 દેશોમાં સામેલ
પાડોશી દેશોની વાત કરીએ તો ભૂટાન જ એક માત્ર દેશ છે, જ્યાં ભ્રષ્ટાચાર ઓછો છે. ભૂટાન 68માં નંબરથી 25માં રેન્કિંગ પર છે. બાકીના અન્ય દેશોમાં સ્થિતિ ભારતથી પણ ખરાબ છે. શ્રીલંકા 93માં, નેપાલ 113માં, માલદીવ-મ્યાંમાર 130માં અને બાંગ્લાદેશ 146માં નંબર પર છે.