Saturday, August 17, 2019
સબસ્ક્રાઈબ કરો VTVGujarati ન્યુઝ Whatsapp

ઈ-ટિકિટ / મોંઘી થઇ શકે છે રેલ સફર, IRCTC લગાવશે આ સર્વિસ પર ચાર્જ

મોંઘી થઇ શકે છે રેલ સફર, IRCTC લગાવશે આ સર્વિસ પર ચાર્જ

IRCTC હવે ઓનલાઇન રિઝર્વેશનને મોંઘુ કરશે. નોટબંધી પહેલી સ્લીપર ક્લાસ અને એસી ક્લાસની ટિકીટો પર ક્રમશ: 20 અને 40 રૂપિયાની E Ticket ચાર્જ થતો હતો. નવો ચાર્જ શું હશે એનો નિર્ણય IRCTC અને રેલવે બોર્ડની બેઠકમાં થશે.

IRCTCના માધ્યમથી ખરીદાયેલી ઇ ટિકિટ હવે મોંઘી થઇ જશે. રેલવેએ લગભગ ત્રણ વર્ષ બાદ એક વાર ફરી ઇ ટિકિટ પર સર્વિસ ચાર્જ લાગુ કરવાનો નિર્ણય લીધો છે. ત્રણ વર્ષ પહેલાં નરેન્દ્ર મોદીના નેતૃત્વવાળી ભાજપ સરકારની મહત્ત્વાકાંક્ષી યોજના હેઠળ ડિજિટલ લેણદેણને પ્રોત્સાહન અાપવા માટે આ ચાર્જ હટાવી લેવાયો હતો. 

રેલવે બોર્ડે IRCTCના આ પ્રસ્તાવને મંજૂરી આપી દીધી છે. ૩ ઓગસ્ટે જારી એક પત્રમાં બોર્ડે કહ્યું કે રેલવેની ખાણીપીણી અને પર્યટન એકમ IRCTCએ ઇ ટિકિટો પર સર્વિસ ચાર્જની વ્યવસ્થા ફરી લાગુ કરવા માટે વિસ્તૃત અભ્યાસ કર્યો, જેનું પરીક્ષણ પણ કરવામાં આવ્યું હતું. પત્રમાં કહેવાયું છે કે નાણાં મંત્રાલય પણ સર્વિસ ચાર્જને ફરી વખત લાગુ કરવાના પક્ષમાં હતું. તેમનું કહેવું છે કે સર્વિસ ચાર્જ માફ કરવાની યોજના અસ્થાયી હતી. રેલવે મંત્રાલયની ઇ ટિકિટ પર સર્વિસ ચાર્જ ફરી વખત લાગુ થઇ શકે છે.

પત્ર અનુસાર નાણાં મંત્રાલયની સલાહ છે કે સારી વ્યવસ્થા માટે આ નિર્ણય લેવાયો છે. ઇ ટિકિટો પર સર્વિસ ચાર્જ લગાવવા માટે IRCTC યોગ્ય નિર્ણય લઇ શકે છે. અધિકારીઓએ જણાવ્યું કે સર્વિસ ચાર્જ હટાવ્યા બાદ IRCTCને નાણાકીય વર્ષ ૨૦૧૬ ૧૭માં ઓનલાઇન ટિકિટ બુકિંગમાં ૨૬ ટકાના નુકસાનનો સામનો કરવો પડ્યો હતો. 

IRCTC દરેક એસી ટિકિટ પર રૂ. ૪૦ અને નોન એસી ઇ ટિકિટ પર રૂ. ૨૦ સર્વિસ ચાર્જ લેતું હતું. હવે IRCTC એ નિર્ણય લેશે કે તે પહેલાવાળો સર્વિસ ચાર્જ લે કે પછી તેમાં વધારો કરે?

જોવા જેવું વધુ જુઓ

બ્રેકિંગ ન્યૂઝ