IPLIN
 

WC 2019 / IND vs BAN : રોહિત-બુમરાહના કમાલથી ટીમ ઈન્ડિયાની શાનદાર જીત, સેમી ફાઈનલમાં એન્ટ્રી

Team VTV 11:12 PM, 02 Jul 19 | Updated: 10:36 AM, 03 Jul 19
Follow us
India qualifies for the semi-final with this win

આઇસીસી વર્લ્ડ કપ 2019ની 40મી મેચમાં ટીમ ઇન્ડિયા અને બાંગ્લાદેશ વચ્ચે અજબેસ્ટન મેદાન પર મુકાબલો યોજાયો હતો. આ મેચમાં ભારે રસાકસી બાદ બાંગ્લાદેશનો 28 રને પરાજય થયો હતો. ઉલ્લેખનીય છે કે, ભારતે ટોસ જીતીને પ્રથમ બેટિંગ કરવાનો નિર્ણય લીધો હતો. ભારતે પ્રથમ દાવમાં 300 રનનો સ્કોર પાર કરીને બાંગ્લાદેશને 315 રનનો ટાર્ગેટ આપ્યો હતો. આ ટાર્ગેટને પૂર્ણ કરવામાં બાંગ્લાદેશ અસફળ રહ્યું હતું.

બાંગ્લાદેશના ખેલાડીઓેએ કર્યો સારો દેખાવ

આઇસીસી વર્લ્ડ કપ 2019ની 40મી મેચમાં આજરોજ યોજાયેલ મેચમાં બાંગ્લાદેશના ખેલાડીઓએ સારો દેખાવ કર્યો હતો. બાંગ્લાદેશના ઓપનિંગ બેટ્સમેન તમીમ ઇકબાલ(22) અને સૌમ્ય સરકારે(33) રમતની શરૂઆત ધીમી રહી હતી. બાંગ્લાદેશની પહેલી વિકેટ 39 રને પડી હતી. આ વિકેટ મોહમ્મદ શમીએ લીધી હતી. જો કે, મોહમ્મદ સમીએ સૌમ્યને પણ ટૂંકા સમયગાળામાં પેલેલિયન ભેગો કર્યો હતો. 

ત્યારબાદ મુશ્ફિકુર રહીમ અને શકિબ અલ હસને સાથે મળીને 47 રનની ભાગેદારી નોંધાવી હતી, આ જોડી ખતરનાક સાબિત થાય તે પહેલા યુજવેન્દ્ર ચહલે મુશ્ફિકુરને(24) આઉટ કર્યો હતો. ત્યારબાદ મેચ વધુને વધુ રસાકસી ભરી થવા લાગી હતી અને બાંગ્લાદેશ જીત તરફ આગળ વધી રહ્યું હતું ત્યારે અંતિમ ઓવરો બાકી હતી ત્યારે ભારતના તોફાની બોલર બુમરાહે 2 વિકેટ ઝડપી બાંગ્લાદેશના ખેલાડીઓને ઓલઆઉટ કરવામાં સફળતા મેળવી હતી.  

રોહિત શર્મા મેન ઓફ ધ મેચ જાહેર

રોહિત શર્મા મેન ઓફ ધ મેચ જાહેર અજબેસ્ટન મેદાન પર આજરોજ યોજાયેલ ભારત તથા બાંગ્લાદેશ વચ્ચેની મેચમાં રોહિત શર્માએ ધમાકેદાર બેટિંગ કરી હતી. રોહિતે એક જ વિશ્વકપમાં 4 સદી ફટકારી ગાંગુલીનો 3 સદીનો રેકોર્ડ તોડ્યો હતો. ભારતીય બેટ્સમેન રોહિત શર્માએ 92 બોલમાં 104 રન બનાવ્યા હતા જેને મેન ઓફ ધ મેચ જાહેર કરવામાં આવ્યો હતો. અજબેસ્ટન મેદાન પર આજરોજ યોજાયેલ ભારત તથા બાંગ્લાદેશ વચ્ચેની મેચમાં રોહિત શર્માએ ધમાકેદાર બેટિંગ કરી હતી. રોહિતે એક જ વિશ્વકપમાં 4 સદી ફટકારી ગાંગુલીનો 3 સદીનો રેકોર્ડ તોડ્યો હતો. ભારતીય બેટ્સમેન રોહિત શર્માએ 92 બોલમાં 104 રન બનાવ્યા હતા જેને મેન ઓફ ધ મેચ જાહેર કરવામાં આવ્યો હતો. 
 

ભારતીય ખેલાડીઓનું દમદાર પરફોર્મન્સ

ભારતની ઓપનિંગ જોડીએ ધમાકેદાર શરૂઆત કરી અને 180 રનોની ઓપનિંગ ભાગીદારી નોંધાવી. સૌમ્ય સરકારના બોલ પર શોટ મારવાની ફિરાકમાં રોહિત લિટન દાસના હાથે કેચ આઉટ થયો હતો. 104ની બાજીમાં 92 બોલમાં તેણે 7 ચોગ્ગા અને પાંચ સિક્સર મારી હતી. રમત દરમિયાન તેનો સ્ટ્રાઇક રેટ 113.04 રહ્યો હતો. ત્યારબાદ કે.એલ રાહુલને રૂબેલ હુસેને આઉટ કર્યો હતો, રાહુલે આ મેચમાં 77 રન બનાવ્યા હતા. આ મેચમાં ઋુષભ પંતે 41 બોલમાં 48 રન બનાવ્યા હતા જો કે, તે અડધી સદી ફટકારવામાં સફળ ન રહ્યો. અત્રે નોંધનીય છે કે,વિરાટ કોહલી 26 રન, કાર્તિક 8 રન, ધોની 35 રન અને ભૂવનેશ્વર 2 રન બનાવ્યા. ધોનીની બેટિંગ ફરી સવાલો ઉભા કર્યા છે. ધોનીએ અંતિમ ઓવરમાં 33 બોલમાં 35 રનની ધીમી ઇનિંગ રમ્યો.  

રોહિતે સદી ફટકારી બનાવ્યો રેકોર્ડ

વર્લ્ડકપમાં રોહિત શર્માએ બનાવ્યો રેકોર્ડ, એક જ વિશ્વકપમાં 4 સદી ફટકારી ગાંગુલીનો 3 સદીનો રેકોર્ડ તોડ્યો. ભારતીય બેટ્સમેન રોહિત શર્માએ સદી નોંધાવ્યા બાદ 92 બોલમાં 104 રન બનાવી આઉટ થયો. રોહિત શર્માએ મેચની 28મી ઓવરમાં સદી ફટકારી છે. ભારતનો સ્કોર એક વિકેટના નુકશાને 29 ઓવરને અંતે 180 થયો.

પ્લેઇંગ ઇલેવન

બાંગ્લાદેશ: તમીમ ઇકબાલ, સૌમ્ય સરકાર, શાકિબ અલ હસન, મુશ્ફિકુર રહીમ (વિકેટકીપર), લિટન દાસ, મોસાદ્દેક હુસૈન, સબ્બીર રહમાન, મોહમ્મદ સૈફુદ્દીન, મશરફે મુર્તજા (કેપ્ટન), રૂબેલ હુસૈન, મુસ્તાફિજુર રહમાન

ભારત: લોકેશ રાહુલ, રોહિત શર્મા, વિરાટ કોહલી (કેપ્ટન), ઋષભ પંત, દિનેશ કાર્તિક, એમએસ ધોની (વિકેટકીપર), હાર્દિક પંડ્યા, ભુવનેશ્વર કુમાર, મોહમ્મદ શમી, યુજવેન્દ્ર ચહલ, જસપ્રીત બુમરાહ

India semi-final win Sports News india vs Bangladesh ગુજરાતી ન્યુઝ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ