ચીનથી આવી રહેલ ખરાબ ઇલેક્ટ્રોનિક સામાનની આયાત પર રોક લગાવવા માટે ભારત સરકારે 7 પ્રોડક્ટનું ફરજીયાત રજીસ્ટ્રેશન ઓર્ડરમાં લેવાનો નિર્ણય લીધો છે. આ પ્રકારનો આદેશ લાગુ થયાં બાદ ચીનથી આવતા ખરાબ ગુણવત્તા ધરાવતા ડિજીટલ કેમેરા, વીડિયો કેમેરા વેબકેમ, બ્લુટૂથ સ્પીકર, સ્માર્ટ સ્પીકર, વાયરલેસ હેન્ડસેટના આયાત પર પ્રતિબંધ લાગશે. નોંધનીય છે કે, BIS - Bureau Standards of India પ્રમાણિત થયાં બાદ જ તેની આયાત શક્ય બનશે.
આ સાથે જ પ્રમાણ વગરના ગુડસને ઇમ્પોર્ટ કરવા મુશ્કેલ બની જશે. સરકારે WTOને આ પ્રોડક્ટની લિસ્ટ આપી હતી. આ કંપનીઓને BIS પ્રમાણ લેવા માટે 3 મહિનાનો સમય આપવામાં આવ્યો છે, આ લિસ્ટમાં ડિજીટલ કેમેરા, વીડિયો કેમેરા વેબકેમ, બ્લુટૂથ સ્પીકર, સ્માર્ટ સ્પીકર, વાયરલેસ હેન્ડસેટનો સમાવેશ થાય છે.
ફરજીયાત રજિસ્ટ્રેશન બાદ મળશે ભારતમાં એન્ટ્રી
આપને જણાવી દઇએ કે, સરકારે 201માં ફરજીયાત રજિસ્ટ્રેશનને લઈને ઓર્ડર જાહેર કર્યા હતા. આ દિશા નિર્દેશો અંતર્ગત સરકાર માત્ર નક્કી કરાયેલા ધારાધોરણોમાંથી પસાર થનાર ગુડ્સની આયાત કરવાની મંજૂરી આપે છે.
સરકાર દ્વારા નક્કી કરાયેલા માનાંકોનું કરવું પડશે પાલન
અત્યાર સુધી આ પ્રોડક્ટને બનાવવા માટે સુરક્ષા માનાંકોને પૂર્ણ કરવી પડશે. BSE ટેસ્ટિંગ કરાવ્યા બાદ આ પ્રોડક્ટનું લાયસન્સ લેવું પડશે. ત્યારબાદ આ પ્રોડક્ટની આયાત ભારતમાં શક્ય બનશે.