ઐતિહાસિક ઇનડ ગાર્ડન ગ્રાઉન્ડ પર 2 વર્લ્ડ કપ ફાઇનલ (1987 અને વર્લ્ડ T-20 2016) રમાઇ છે. આ સિવાય ઘણી યાદગાર ટેસ્ટ પર રમાઇ છે. કોલકાતાનુ આ ગ્રાઉન્ડ 2 વખત IPL ચેમ્પિયન કોલકાતા નાઇટ રાઇડર્સનું ઘેરલૂ ગ્રાઉન્ડ છે. આ ગ્રાઉન્ડ પર જલ્દીથી એક વધુ ઐતિહાસિક ઘટના બની શકે છે. અહીંયા ટીમ ઇન્ડિયા પોતાની પહેલી ડે-નાઇટ ટેસ્ટ રમી શકે છે.
બાંગ્લાદેશનો ભારત પ્રવાસ 3 નવેમ્બરથી શરૂ થશે
પ્રવાસની પહેલી ટેસ્ટ મેચ 14 નવેમ્બરના રમાશે
ટીમ ઇન્ડિયા અત્યાર સુધી પિંક બૉલથી ટેસ્ટ ક્રિકેટ નથી રમી.
બાંગ્લાદેશએ હજુ સુધી નથી આપ્યો BCCI ના પ્રસ્તાવનો જવાબ
રિપોર્ટ અનુસાર, ભારતીય ક્રિકેટ કંટ્રોલ બોર્ડ (BCCI) એ બાંગ્લાદેશ ક્રિકેટ બોર્ડ (BCB) ને 22-26 નવેમ્બરની વચ્ચે ઇડન પર રમાઇ જનારી ટેસ્ટ મેચની ડે-નાઇટ ફોર્મેટ રમવા માટે પ્રસ્તાવ આપવામાં આવ્યો છે. BCCI ના એક અધિકારી અનુસાર, ''અમે આ વાત પર કામ કરી રહ્યા છે. એક રિપોર્ટ અનુસાર હજુ સુધી BCBએ આ અંગે નિર્ણય લીધો નથી.''
BCB ક્રિકેટ ઓપરેશનના ચેરમેને જણાવ્યુ કે, BCCIએ ડે-નાઇટ ટેસ્ટ માટે પ્રસ્તાવ મૂક્યો છે અને થોડી ચર્ચા વિચારણ કર્યા પછી અમારો નિર્ણય જણાવીશું. અમને 2-3 દિવસ અગાઉ પત્ર મળ્યો હતો અને તે અંગે નિર્ણય લઇશું. પરંતુ હજુ સુધી અમે આ અંગે ચર્ચા કરી નથી. અમે આગામી એકાદ-2 દિવસમાં અમારો નિર્ણય જણાવીશું.
23 ઓક્ટોબરને BCCI ના અધ્યક્ષ પર આવનારા સૌરભ ગાંગુલીએ ડે-નાઇટ મેચ રમવા માટે વાત કરી હતી. BCCI ના નવનિયુક્ત પ્રમુખ સૌરવ ગાંગુલીએ તાજેતરમાં જણાવ્યુ કે, ટીમ ઇન્ડિયાના કેપ્ટન પણ આ માટે તૈયાર છે અને ભારત તેની પ્રથમ ડે-નાઇટ ટેસ્ટ ટૂંક સમયમાં જ રમશે. ટીમ ઇન્ડિયા અને બાંગ્લાદેશ વચ્ચે 14 નવેમ્બર પ્રથમ ટેસ્ટ રમાશે. જ્યારે 22 નવેમ્બરે ઇડન ગાર્ડન્સમાં બીજી ટેસ્ટ મેચ રમાશે.
નોંધનીય છે કે, બાંગ્લાદેશ ભારતના પ્રવાસ દરમિયાન 2 ટેસ્ટ અગાઉ 3 T-20 મેચની સીરિઝ છે. જેનો પ્રારંભ ત્રીજી નવેમ્બરની થશે. જ્યારે ટેસ્ટ સીરિઝ વર્લ્ડ ટેસ્ટ ચેમ્પિયનશિપ અંતર્ગત બાંગ્લાદેશની પ્રથમ સીરિઝ રહેશે.