14 હજાર કરોડનાં ખર્ચે ભારત ખતરનાક 'રોમિયો' ખરીદવાની તૈયારીમાં

ભારત જલ્દીથી જ દુનિયાની સૌથી એડવાન્સ માનવામાં આવતી એન્ટી સબમરીન હેલિકોપ્ટર મલ્ટી-રોલ એમએચ-60 'રોમિયો' ખરીદવા જઇ રહેલ છે. ભારતે અમેરિકા પાસેથી આવાં 24 હેલિકોપ્ટર ખરીદવાની ઇચ્છા વ્યક્ત કરી છે.

રક્ષા ઉદ્યોગનાં સૂત્રોએ કહ્યું કે હેલિકોપ્ટરની અનુમાનિત કિંમત બે બિલિયન ડૉલર (14 હજાર કરોડ રૂપિયા) છે. વિશેષજ્ઞોનું કહેવું એમ છે કે ભારતને છેલ્લાં 1 દશકાથી આ ખાસ હેલિકોપ્ટરની જરૂરિયાત હતી.

થોડાંક દિવસો પહેલા સિંગાપોરમાં સંમેલનથી ઇતર પીએમ મોદી અને અમેરિકાનાં ઉપરાષ્ટ્રપતિ માઇક પૈંસની સફળ મુલાકાત બાદ આ મામલા સાથે જોડાયેલ લોકોએ કહ્યું "થોડાંક જ મહીનાઓમાં ડીલ ફાઇનલ પણ થવાની આશા સેવાઇ રહી છે."

સૂત્રોનું માનવું એમ છે કે ભારતે અમેરિકાને એક પત્ર પણ મોકલ્યો છે. જેમાં તત્કાલ 24 મલ્ટી રોલ એમએચ 60 રોમિયો સી-હોક હેલિકોપ્ટરની જરૂરિયાત દર્શાવી છે.