હવે ખૂબ જલ્દી તમે પેટીએમ જેવી પેમેન્ટ બેંકને ભૂલી શકો છો કારણ કે ઇન્ડિયા પોસ્ટ ઓફિસ પેમેન્ટ બેંક પોતાની 650 બ્રાન્ચોમાં પેમેન્ટ સુવિધા શરૂ કરવા જઇ રહી છે. ઓગસ્ટ મહિનામાં શરૂ થનારી આ શાખાઓમાં આશરે 17 કરોડ ખાતા હશે. ભારતીય રિઝર્વ બેંકે એના માટે ઇન્ડિયા પોસ્ટને દરેક પ્રકારની ક્લિયરન્સ આપી દીધી છે.
આ બાબતે જોડાયેવા સૂત્રોના જણાવ્યા અનુસાર ઓગસ્ટ મહિનામાં જ ઇન્ડિયા પોસ્ટ પેમેન્ટને લોન્ચ કરવામાં આવી શકે છે. જણાવી દઇએ કે ઇન્ડિયા પોસ્ટ પેમેન્ટ બેંક એવું ત્રીજું એકમ હશે જેને પેમેન્ટ બેંકની અનુમતિ આપવામાં આવી છે. પેમેન્ટ બેંક 1 લાખ રૂપિયા સુધીની પેમેન્ટ ડિપોઝીટ લઇ શકે છે. આ નવી બેંકિંગ મોડલથી મોબાઇલ ફર્મ્સ સુપર માર્કેટ ચેન્સ અને બીજા લોકોની બેકિંગની સુવિધા સરળતાથી મળી જાય છે. જો કે એક બેંક તરીકે એની સેવાઓ ક્રિયાન્વયન ખૂબ જ સીમિત રહેશે.
જો કે આ માટેનું ટેસ્ટિંગ શરૂ થઇ ગયું છે. આશરે 250 શાખાઓમાં આ માટેનું ટેસ્ટિંગ કરવામાં આવી રહ્યું છે. 650 શાખાઓની સાથે આ 3250 એક્સેસ પોઇન્ટ્સ પર પેમેન્ટ બેંકની સુવિધા હશે. ગ્રામીણ ક્ષેત્રોમાં પણ 11 000 ગ્રામીણ પોસ્ટ ઓફિસ સેવા શરૂ કરવામાં આવશે. તો શહેરોમાં ડોરસ્ટેપ સુવિધાઓ આપવામાં આવશે. આ પેમેન્ટ બેંકથી દર સમયે આશરે 1.55 લાખ લોકોને જોડવામાં આવશે. ગ્રાહકો પોતાના મોબાઇલ એપથી પણ એક્સેસ કરી શકશે.