ભારતીય પોસ્ટ ઓફિસ સર્વિસ સિવાય બેન્કિંગ સેવાઓ પણ આપે છે આ સેવાઓને વધારે સારી બનાવવા માટે તેને ઓનલાઇન કરી દેવામાં આવી છે. હવે તમે RD PF સ્કીમથી સંબંધિત બધા જ કામ ઘરેબેઠા કરી શકો છો. પોસ્ટ ઓફિસમાં લોકો માટે કેટલીક એવી યોજનાઓ પણ નીકાળી છે જેના દ્વારા ગ્રાહક પોતાનું ખાતું ખોલાવી નાની બચત પણ કરી શકે છે. પોસ્ટ ઓફિસ તરફથી લોકોને લાઇફ ઇન્શ્યોરન્સ હેઠળ પોસ્ટ લાઇફ ઇન્શ્યોરન્સ ગ્રામીણ લાઇફ ઇન્શ્યોરન્સ સહિત સુવિધાઓ આપવામાં આવે છે. તેની સાથે પોસ્ટ વિભાગ સરકારના એક એજન્ટ તરીકે કામ કરે છે. જેમા વૃદ્ધ માટે પેન્શન પેમેંટ અને મહાત્મા ગાંધી રાષ્ટ્રીય ગ્રામીણ રોજગાર ગેરંટી યોજના પણ આપવામાં આવે છે.
હવે ગ્રાહકો કરી શકે છે આ કામ:
- ગ્રાહક હવે ઇન્ટરનેટ બેન્કિંગની મદદથી બધા જ કામ સરળતાથી કરી શકે છે.
- આ પોર્ટલની મદદથી ગ્રાહક ઓનલાઇન પોતાનું RD એકાઉન્ટ TD એકાઉન્ટ અને પીપીએફ એકાઉન્ટ ખોલાવી શકે છે.
કેવી રીતે શરૂ કરશો રેકરિંગ ડિપોઝિટ:
RD એકાઉન્ટ પોસ્ટ ઓફિસ બેંક જઇને અથવા ઓનલાઇન પણ ઓપન કરાવી શકાય છે. તમે મોબાઇલ એપથી પણ RD ઓપન કરાવી શકો છો. જો તમે પોસ્ટ ઓફિસમાં RD ખોલાવો છો તો કેશ અને ચેક દઇને તે થઇ શકે છે. તમારુ એકાઉન્ટ એક પોસ્ટ ઓફિસથી અન્ય પોસ્ટ ઓફિસમાં ટ્રાંસફર થઇ શકે છે. બે એડલ્ટના નામથી જોઇન્ટ એકાઉન્ટ પણ ખોલાવી શકાય છે. RD એકાઉન્ટ ખોલાવતા પહેલા જોઇ લો કે કેટલું વ્યાજ મળી રહ્યું છે. જો RD પર 10 હજારથી વધારે વ્યાજ મળે છે તો તે ટેક્સેબલ હશે.
જો RDમાં દર મહિને 10 હજાર રૂપિયા સુધી જમા કરાવો છો તો વર્ષમાં 1 20 000 રૂપિયાની રકમ જમા થશે. તમને પોસ્ટ ઓફિસ RD પર વાર્ષિક 7.30% વ્યાજ આપે છે. જે હિસાબથી તમારા પૈસા એક વર્ષમાં 1 24 852 રૂપિયા થઇ જશે. એટલે તમને 4 852 રૂપિયા વધારે મળે છે.
RDના ફાયદા:
- રેકરિંગ ડિપોઝિટ રોકાણકારના સેવિંગ પર નિર્ભર છે અને દર મહિને એક નક્કી રકમનું રોકાણ આમા કરી શકાય છે.
- RDના લોક ઇન ફીચર હેઠળ શરૂઆતથી અંત સુધી વ્યાજ દર એક સમાન રહે છે અને ડિપોઝિટ પર વ્યાજદર શરૂઆતમાં જ લોકઇન થઇ જાય છે. એટલે વ્યાજદર ઓછુ થવા પર પણ RDમાં ફાયદો થાય છે.
- રેકરિંગ ડિપોઝિટથી સેવિંગ મેનેજમેંટ સરળ હોય છે અને વારંવાર ફિક્સ ડિપોઝિટની મુશ્કેલીથી રાહત મળી જાય છે.
- RDમાં એકાઉન્ટ ખોલાવતી વખતે જ ટાઇમ પીરિયડ નક્કી થઇ જાય છે. ટાઇમ પીરિયડ સમાપ્ત થવા પર તમને વ્યાજ સહિત સંપૂર્ણ રકમની ચુકવણી કરી દેવામાં આવે છે.
- RDની ખાસિયત છે કે આમા નિયમિત રોકાણની સાથે ફિક્સ ડિપોઝિટના ફાયદા મળે છે. વ્યાજ નક્કી હોવાથી આવકની ચોક્કસતા રહે છે અને બેંકો તરફથી ઓફર મળવાથી સરળતા રહે છે. RDમાં એક ખાસ લક્ષ્ય માટે રકમ ભેગી કરી શકાય છે.
- RD 10 વર્ષ સુધી થઇ શકે છે. આમા લાંબા સમયનો ઇન્વેસ્ટમેંટ પ્લાન બનાવી શકાય છે.