દેશભરમાં કોરોનાનો કહેર સતત વધી રહ્યો છે ત્યારે ટેસ્ટિંગ કીટની માગ પણ વધી રહી છે. ઈન્ડિયા પોસ્ટ ICMRની મદદે આવ્યું છે. તેઓએ કોલકત્તા, ભુવનેશ્વર, રાંચી, પટના, જોધપુર, અજમેર, ઝાલાવાડ, ઉદયપુર, કોટા, ડુંગરપુર, ચુરુ, ગુવાહાટી અને ઈમ્ફાલ સુધી આ કિટ્સ પહોંચાડી છે. આ સાથે જ ટેસ્ટિંગ કિટ્સ ખરાબ ન થાય તે માટે તેને ડ્રાઈ આઈસમાં પેકિંગ કરવામાં આવે છે.
ICMRએ ટેસ્ટિંગ કીટ્સ પહોંચાડવા કરી આ વ્યવસ્થા
રોજ 1 લાખ ટેસ્ટ કરવાનું છે લક્ષ્ય
પોસ્ટ વિભાગે 16 સ્થાનિક ડેપોથી કરી ડિલિવરી
આખી દુનિયા કોરોના સામે લડી રહી છે ત્યારે દરેક જગ્યાએ ટેસ્ટિંગ કીટ પહોંચાડવા માટે સરકાર પણ શક્ય તમામ ઉપાયો કરી રહી છે. આ કામમાં ભારતીય પોસ્ટ વિભાગ સરકારની મદદ કરી રહ્યું છે. 1,56,000 પોસ્ટ ઓફિસના વિશાળ નેટવર્કની સાથે ઈન્ડિયા પોસ્ટ એક વાર ફરી કોરોના વોરિયર્સ તરીકે સામે આવ્યું છે.
ઇન્ડિયા પોસ્ટ તેના 16 પ્રાદેશિક ડેપોમાંથી કોવિડ ટેસ્ટ કીટ પહોંચાડશે
આધાર સિસ્ટમ દ્વારા લોકોને ઘરે ઘરે પૈસા મોકલવાનું કામ ચાલુ રાખતા ઈન્ડિયા પોસ્ટ દ્વારા હવે કોરોના રોગચાળામાં લોકોને સેવા આપવાનું શરૂ કરાયું છે. ઇન્ડિયા પોસ્ટ તેના 16 પ્રાદેશિક ડેપોમાંથી કોવિડ ટેસ્ટ કીટ પણ પહોંચાડશે. આ માટે આઈસીએમઆર સાથે સમજૂતી થઈ છે. ભારતમાં આઇસીએમઆર દ્વારા 200 વધારાની લેબ્સ માટે ઈન્ડિયા પોસ્ટ ટેસ્ટ કીટની સુવિધા આપશે. આ તમામ લેબ્સમાં કોવિડને ચકાસવાની મંજૂરી આપવામાં આવી છે.
પોસ્ટ વિભાગની કામગીરી પ્રશંસનીય
આ નિર્ણય અંગે સંદેશાવ્યવહાર અને કાયદા પ્રધાન રવિશંકર પ્રસાદે કહ્યું કે, હું આઈસીએમઆર અને પોસ્ટ્સ વિભાગ વચ્ચેના આ કરારનું સ્વાગત કરું છું. ટપાલ વિભાગ લોકોને પત્રો, દવાઓ, આર્થિક સહાય જેવી સુવિધાઓ આપી રહ્યું છે. લોકડાઉન વચ્ચે, જરૂરીયાતમંદોને અન્ન અને રાશન આપવાનું કામ પણ કરી રહ્યું છે. આટલા મુશ્કેલ સમયમાં આપણા પોસ્ટમેન દેશની સાથે-સાથે ચાલી રહ્યા છે.
સમયસર ડિલિવરીની કામગીરી સુનિશ્ચિત થઈ શકે તે માટેની ખાસ વ્યવસ્થા
કરાર મુજબ, જેમ જ પરીક્ષણ કીટ પોસ્ટલ વિભાગના ડેપો પર પહોંચશે, તેઓ સમયસર જુદા જુદા રાજ્યોની લેબમાં પહોંચાડવામાં આવશે. આ ડેપો 16 પોસ્ટલ સર્કલ્સ અથવા રાજ્યોમાં સ્થિત છે. ટપાલ કાર્ય અને આઈસીએમએ તરફથી આ કામગીરી માટે નોડલ અધિકારીઓની પણ નિમણૂક કરવામાં આવી છે, જેથી સમયસર ડિલિવરીની કામગીરી સુનિશ્ચિત થઈ શકે. સમયસર પરીક્ષણ કીટ સંબંધિત લેબમાં પહોંચે છે, તેને પ્રાથમિકતા આપવામાં આવી છે. ઈન્ડિયા પોસ્ટ દ્વારા કેટલીક ટેસ્ટ કીટની ડિલિવરી પણ શરૂ કરી દેવામાં આવી છે. કોલકાતા, ભુવનેશ્વર, રાંચી, પટના, જોધપુર, અજમેર, ઝાલાવાડ, ઉદયપુર, કોટા, ડુંગરપુર, ચુરુ, ગુવાહાટીથી ઇમ્ફાલ અને આઈજલથી ટેસ્ટ કિટ્સ મોકલવામાં આવી છે અથવા મોકલવામાં આવી રહી છે. કિટ્સ બગડે નહીં તે માટે તેને ડ્રાઈ આઈસબેગમાં રાખવામાં આવે છે.