નિર્ણય / આ બિઝનેસમાં ભારતને આત્મનિર્ભર બનાવવા મોદી સરકારની ખાસ તૈયારીઓ, આજે લઈ શકે છે મોટો નિર્ણય

• ચિપ શોર્ટેજની અસર 
• મોદી સરકાર લઈ શકે મોટો નિર્ણય 
• આ મુદ્દે ભારત બનશે આત્મનિર્ભર

હાલ ચિપ શોર્ટેજની (Chip Shortage) ઓટો સહિત ઘણી ઈન્ડસ્ટ્રી પર ખરાબ અસર પડી રહી છે. તેનું સૌથી મોટુ કારણ ચિપના મામલામાં ચીન જેવા દેશો પર નિર્ભરતા છે. તે માટે હવે કેન્દ્ર સરકારે સેમીકંડક્ટરના મામલામાં દેશને આત્મનિર્ભર બનાવવાની રણનીતિ પર કામ શરૂ કર્યું છે. કેન્દ્રીય મંત્રિમંડળ આજની બેઠકમાં આ દિશામાં એક મહત્વપૂર્ણ પગલું ભરી શકે છે અને 76 હજાર કરોડ રૂપિયાના ઈન્સેટિંવ સ્કીમને મંજૂરી આપી શકે છે.

પોલિસીથી ભારતને ચિપ ઈન્ડસ્ટ્રીનું હબ બનાવવામાં મદદ મળશે 
એક રિપોર્ટ અનુસાર મામલા સાથે જોડાયેલા સૂત્રોનું કહેવું છે કે સરકાર ભારતમાં સેમીકંડક્ટર મેન્યુફેક્તરિંગ ઈકોસિસ્ટમ તૈયાર કરવા માટે પ્રોત્સાહન આપી શકે છે. તેમાં સેમી કંડક્ટર વેફર ફેબ્રિકેશન યુનિટ લગાવવામાં ખર્ચ થતી રકમ પર 25 ટકા સબસિડી પણ શામેલ છે. જે હેઠળ એસેમ્બલિંગ, ટેસ્ટિંગ, પેકેજિંગ, અને ચિપ ડિઝાઈન માટે પણ પ્રોત્સાહન આપવામાં આવી શકે છે. 

કેબિનેટની મંજૂરી બાદ MEITY કરી શકે છે નોટિફાઈ
સૂત્રોના જણાવ્યા અનુસાર કેન્દ્ર સરકારની આ સેમીકંડક્ટર પોલિસી ભારતને ચિપ મેન્યુફેક્ચરિંગનો હબ બનાવવાની દિશામાં મોટુ પગલું સાબિત થઈ શકે છે. તેમણે જણાવ્યું કે મંત્રિમંડળની મંજૂરી બાદ ઈલેક્ટ્રોનિક્સ એન્ડ ઈન્ફોર્મેશન ટેક્નોલોજી મિનિસ્ટ્રી તેને નોટિફાઈ કરી શકે છે અને કંપનીને ભારતમાં ચિપ ઈન્ડસ્ટ્રી લગાવવા પર રોકાણ કરવાનું આમંત્રણ આપવામાં આવી શકે છે.