ઓપરેશન સિંદૂર / 'આજે સવારે 5 વાગ્યાની આસપાસ...', ભારતીય સેનાની પ્રેસ બ્રીફિંગમાં IND vs PAK તણાવને લઇ મોટો ખુલાસો

ભારત અને પાકિસ્તાન વચ્ચેની સ્થિતિ વીતતી દરેક પળ સાથે વધુ ગંભીર બની રહી છે. અને બંને દેશો યુદ્ધની અણી પર ઉભા છે...સરહદ પર હુમલાઓ ચાલુ છે.. પાકિસ્તાન દ્વારા ભારતના ઘણા શહેરો પર સતત હુમલા કરવામાં આવ્યા, જેનો ભારતીય સેનાએ યોગ્ય જવાબ આપ્યો. ભારતીય સેનાએ જમ્મુ-શ્રીનગરથી પઠાણકોટ અને પોખરણ સુધી પાકિસ્તાનના ડ્રોન હુમલાના પ્રયાસને નિષ્ફળ બનાવ્યો છે.

ભારત અને પાકિસ્તાન વચ્ચેના તણાવ વચ્ચે, ભારતીય સેનાએ સોશિયલ મીડિયા પોસ્ટમાં નવી અપડેટ આપી છે. ભારતીય સેનાએ કહ્યું કે પાકિસ્તાન સતત આપણી પશ્ચિમી સરહદો પર ડ્રોન હુમલા અને અન્ય હથિયારોથી હુમલા કરી રહ્યું છે. આજે સવારે 5 વાગ્યાની આસપાસ, અમૃતસરના ખાસા કેન્ટ ઉપર ઘણા દુશ્મન સશસ્ત્ર ડ્રોન ઉડતા જોવા મળ્યા. અમારા હવાઈ સંરક્ષણ એકમો દ્વારા દુશ્મન ડ્રોનને તરત જ તોડી પાડવામાં આવ્યા

ભારતીય સેનાની પ્રેસ બ્રીફિંગમાં, કર્નલ સોફિયા કુરેશીએ ભારત અને પાકિસ્તાન વચ્ચેના તણાવ સંબંધિત અપડેટ્સ આપ્યા. કર્નલ સોફિયા કુરેશીએ જણાવ્યું હતું કે પાકિસ્તાન દ્વારા તબીબી કેન્દ્રો અને શાળા પરિસરને પણ નિશાન બનાવવામાં આવ્યા હતા.કર્નલ સોફિયા કુરેશીએ કહ્યું કે પાકિસ્તાન સતત મિસાઈલ હુમલા કરી રહ્યું છે. તેણે ઉધમપુર, પઠાણકોટ, આદમપુર અને ભૂજ એરબેઝ પર હાઇ-સ્પીડ મિસાઇલોથી હુમલો કર્યો પાકિસ્તાને હોસ્પિટલ અને સ્કૂલને નિશાન બનાવવાનો પ્રયાસ કર્યો હતો, જેને ભારતે નિષ્ફળ બનાવ્યો હતો.

આ પણ વાંચોઃ ભુજ સહિત ગુજરાત બહારના આ વિસ્તારોને પણ નાપાક પાકિસ્તાને કર્યા ટાર્ગેટ, સ્કૂલોને પણ ના છોડી

કર્નલ સોફિયા કુરેશીએ કહ્યું, "પાકિસ્તાને નાગરિક વિમાનની આડમાં હવાઈ માર્ગોનો દુરુપયોગ કર્યો. તેમણે વધુમાં કહ્યું કે પાકિસ્તાને નિયંત્રણ રેખા (LoC) પર ગોળીબાર કરવાનો પ્રયાસ કર્યો. કુપવાડા, બારામુલ્લા, પૂંચ, રાજૌરીમાં હળવા હથિયારોથી ગોળીબાર ચાલુ રહ્યો. ભારતીય સેનાએ આનો પોતાની રીતે જવાબ આપ્યો. અત્યાર સુધીની બધી કાર્યવાહીનો જવાબ આપવામાં આવ્યો છે."

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ