તો કડક કાર્યવાહી / ભારત-પાકિસ્તાન તણાવ વચ્ચે ગુજરાતના આ જિલ્લામાંથી આવ્યા મોટા સમાચાર, નાગરિકો એલર્ટ

ભારત-પાકિસ્તાન વચ્ચે તણાવભરી સ્થિતિને લઇને બનાસકાંઠા જિલ્લા કલેક્ટરે જાહેરનામું બહાર પાડ્યું છે.. જે અંતર્ગત કોઇ વ્યક્તિ આવશ્યક ચીજ વસ્તુઓની સંગ્રાહખોરી કરતી પકડાશે તો તેની સામે કડક કાર્યવાહી થશે. . કોઈ પણ વ્યક્તિ અથવા વેપારી બ્લેક માર્કેટિંગ કરતા પકડાશે તો તેની સામે પણ કડક કાયદાકીય પગલા લેવાશે. .. પેટ્રોલ ડીઝલ અને ખાદ્ય ચીજોની વ્યવસ્થા ન ખોરવાય તે માટે તંત્ર સતર્ક છે. . જાહેરનામાનો ભંગ કરનાર સામે કડક કાર્યવાહી હાથ ધરાશે તેમ જણાવાયું છે..

જાહેરનામામાં કહેવાયું છે કે કોઇ વ્યક્તિ અનાજની સંગ્રાહખોરી અથવા બ્લેક માર્કેટીંગ કરે છે તેવુંં ધ્યાને આવે તો પુરવઠા અધિકારીને જાણ કરી શકાશે.

મહત્વનું છે બનાસકાંઠા જિલ્લાના સરહદી વિસ્તારના ગામોમાં બ્લેક આઉટ જાહેર કરાયું છે.. સૂઇગામ તાલુકો અને વાવ તાલુકો બન્ને પાકિસ્તાનની સરહદે આવેલા તાલુકા છે... આ બન્ને તાલુકાના 12-12 ગામો એટલે કે કુલ 24 ગામોને બ્લેક આઉટ કરાયા છે..

આ પણ વાંચોઃ 'જેવું પાકિસ્તાની ડ્રોન જોવા મળ્યું, કે તુરંત ભારત...', કચ્છી માડુઓના મુખે જ સાંભળો ભારતીય સેનાની શૌર્યતા

બનાસકાંઠા જિલ્લાના સરહદી વિસ્તારમાં પોલીસ દ્વારા ઊંટ પર પેટ્રોલિંગ શરૂ કરાયું છે. સરહદ સાથે જોડાયેલા રણ વિસ્તારમાં પોલીસ દ્વારા પેટ્રોલિંગ કરવામાં આવી રહ્યું છે. ઉપરાંત સરહદી વિસ્તારોમાં પોલીસ રાઉન્ડ ધ કલોક પેટ્રોલિંગ કરી રહી છે. ખાસ કરીને જે ગામો બ્લેક આઉટ જાહેર કરાયા છે ત્યાં પોલીસ સુરક્ષા વધી છે. યુદ્ધ થાય તો પોલીસની બાજ નજર રણ હાલમાં રણ વિસ્તાર અને સરહદ પર જોવા મળી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ