દેશમાં કોરોના મહામારીને હટાવવા માટે વેક્સીનેશનની પ્રક્રિયાને વધારે વેગ આપવામાં આવ્યો છે. 12 કરોડ 26 લાખથી વધુ લોકોને વેક્સીનનો પહેલો ડોઝ આપીને ભારત અમેરિકા અને ચીનથી પણ આગળ છે.
અમેરિકા અને ચીનને માત આપીને ભારત સૌથી પ્રથમ દેશ બન્યો
વેક્સીનેશનની પ્રક્રિયામાં ભારત અમેરિકા અને ચીનને પછાડીને શીર્ષ પર પહોંચ્યું છે. 92 દિવસમાં દેશમાં 12 કરોડ 26 લાખથી વધારે લોકોને વેક્સીન લગાવાઈ છે. અમેરિકાએ આ આંક 97 દિવસમાં તો ચીને 108 દિવસમાં સર કર્યો હતો. ઉત્રપ્રદેશ, ગુજરાત, મહારાષ્ટ્ર અને રાજસ્થાનમાં 1-1 કરોડથી વધુ લોકોને વેક્સીનના ડોઝ અપાયા છે. સ્વાસ્થ્ય મંત્રાલયના અનુસાર દેશમાં રોજ લગાવાતા વેક્સીનેશનના કેસમાં ભારત ટોપ પર બની રહ્યું છે.
92મા દિવસે અપાઈ 97 લાખ લોકોને કોરોનાની વેક્સીન
મંત્રાલયે કહ્યું કે દેશમાં 4 રાજ્યોમાં અત્યાર સુધી એક કરોડથી પણ વધારે વેક્સીનના ડોઝ અપાઈ ચૂક્યા છે. જેમાં મહારાષ્ટ્રમાં 1.21 કરોડ, યૂપીમાં 1.07 કરોડ, રાજસ્થાનમાં 1.06 કરોડ અને ગુજરાતમાં 1.03 કરોડ ડોઝ અપાયા છે. મંત્રાલયના આધારે વેક્સીનેશન અભિયાનના 92માં દિવસે દેશમાં 39998 જ્ગ્યાએ 2684956 વેક્સીન આપવામાં આવી છે. તેમાંથી 2022599 લાભાર્થીને વેક્સીનનો પહેલો અને 662357ને વેક્સીનનો બીજો ડોઝ પણ અપાયો છે.
રવિવારે 12 કરોડ 26 લાખ 22 હજાર 590 લોકોને અપાઈ વેક્સીન
કેન્દ્રીય સ્વાસ્થ્ય મંત્રાલયે કહ્યું છે કે રવિવારની સવારે 7 વાગ્યા સુધી મળેલા રિપોર્ટ અનુસાર 18,15,325 સત્રમાં 12 કરોડ 26 લાખ 22 હજાર 590 લોકોને વેક્સીન આપવામાં આવી છે. તેમાંથી 1.5 કરોડથી વધારે લોકોને વેક્સીનના બંને ડોઝ અપાઈ ચૂક્યા છે. લાભાર્થીમાં 91.28 લાખ સ્વાસ્થ્ય કર્મીને પહેલો ડોઝ અપાયો છે તો 57.08 લાખ સ્વાસ્થ્યકર્મીને બીજો ડોઝ અપાયો છે. 1.12 કરોડ ફ્રન્ટ લાઈન વર્કર્સને વેક્સીનનો પહેલો ડોઝ અને 55.10 લાખને બીજો ડોઝ આપવામાં આવ્યો છે. આ સિવાય 45 વર્ષથી ઉપરની વ્યક્તિને 8.59 કરોડથી વધારે લોકોને કોરોના વેક્સીનનો પહેલો ડોઝ અને 49.72 લાખથી વધારેને બીજો ડોઝ પણ આપી દેવાયો છે. દેશમાં કુલ વેક્સીનેશનના 59.5 ટકા ડોઝ ફક્ત 8 રાજ્યોમાં અપાયા છે.
દેશમાં કુલ 60.57 વેક્સીનેશન સેન્ટર બનાવાયા છે
સ્વાસ્થ્ય મંત્રાલયે કહ્યુ છે કે 12.26 કરોડથી વધારે લોકોને કોરોના વેક્સીનનો ખોરાક અપાઈ ચૂક્યો છે. શનિવારે 25. 65 લાખ લોકોને વેક્સીનેશન થઈ ચૂક્યું છે. મંત્રાલયે કહ્યું કે દેશમાં કુલ 60.57 વેક્સીનેશન સેન્ટર છે. ભારતમાં રોજ સરેરાશ 38,93,288 વેક્સીન લાગી રહી છે. બીજા નંબર પર અમેરિકા છે અહીં રોજ સરેરાશ 30 કરોડ ડોઝ અપાઈ રહ્યા છે. મંત્રાલયે કહ્યું કે અમેરિકામાં 85 દિવસમાં 9.2 કરોડ લોકોને વેક્સીનની રસી અપાઈ છે. એટલું નહીં ચીનમાં 6.14 કરોડ અને બ્રિટનમાં 2.13 કરોડ વેક્સીનના ડોઝ લાભાર્થીને અપાયા છે.