બિઝનેસ / વિશ્વનાં સૌથી મોટા વેપાર કરાર પર આજે થયા હસ્તાક્ષર, ભારતે બનાવી દૂરી

• વિશ્વનાં વિવિધ દેશોએ કર્યો સૌથી મોટો વેપાર કરાર 
• ભારતે ગયા વર્ષે જ આ કરારથી બનાવી હતી દૂરી 
• હજુ પણ આ કરારમાં સામેલ થવા ભારત માટે દરવાજા ખુલ્લા 

પીએમ મોદીએ હસ્તાક્ષર ન કરવાનો કર્યો હતો નિર્ણય 

આશા વ્યક્ત કરવામાં આવી રહી છે કે હવે વિશ્વના અર્થતંત્રમાં રિકવરી થશે. નિષ્ણાતો એમ પણ કહી રહ્યા છે કે આ કરાર બાદ ચીનને ફ્રી ટ્રેડનો લાભ મળશે. ગતવર્ષે જ પીએમ મોદીએ આ કરાર પર હસ્તાક્ષર નહીં કરવાનો નિર્ણય કર્યો હતો.  

ચીનને થશે ફાયદો 

ચીનને અન્ય 14 દેશોએ સૌથી મોટા વેપાર સંગઠન પર સંમતિ વ્યક્ત કરી છે. કોરોના વાયરસના કારણે જે નુકસાન  થયું છે તે બાદ હવે આ કરારથી મદદ મળવાની આશા છે. ભારતે આ કરારથી દૂરી બનાવી છે. 

RCEP પર દસ દેશોએ વાર્ષિક સંમેલનમાં રવિવારે વર્ચ્યુઅલી હસ્તાક્ષર કર્યા જેમાં વિયેતનામના વડાપ્રધાને કહ્યું કે મને જણાવતા આનંદ થઇ રહ્યો છે કે આઠ વર્ષની મહેનત બાદ અમે આધિકારી રીતે RCEPમાં બધાનાં હસ્તાક્ષર લઇને આવ્યા છે. તેમણે વધુમાં કહ્યું કે RCEPમાં સમર્થન આપવામાં આસિયાનની પ્રમુખ ભૂમિકા રહેશે, આ વિશ્વનો સૌથી મોટો મુક્ત વેપાર કરાર છે જેનાથી એક નવું વેપાર માળખું તૈયાર થશે અને કોરોના વાયરસથી પ્રભાવિત પૂરવઠો આપી શકાશે.  

નોંધનીય છે કે હવે આ કરાર બાદ જે તે સદસ્યો દેશો વચ્ચે વેપાર શુલ્ક નીચે આવશે. આ દેશોમાં ચીન, જાપાન, દ. કોરિયા, ઓસ્ટ્રેલીયા અને ન્યૂઝીલેન્ડ સામેલ છે. ભારતે ગતવર્ષે જ બધા જ દેશોને આ કરારથી બહાર નીકળીને હેરાન કરી દીધા હતા. જોકે હજુ પણ ભારતને વેપાર કરારમાં સામેલ થવા માટે મંજૂરી રહેશે.