મુદ્દો / G-7 સંમેલન પહેલા ભારતે વેક્સિન પાસપોર્ટનો કર્યો વિરોધ, સ્વાસ્થ્ય મંત્રીએ કહ્યું આ નિર્ણયને મંજૂરી ન અપાય કેમ કે...

• ભારતે રસી પાસપોર્ટનો વિરોધ કર્યો છે
• ભેદભાવ કરનારી આ પહેલ મંજૂર ન કરી શકાય
• લોકોને લાંબો સમય ક્વોરેન્ટાઈન  ન રહેવુ પડે તે માટે આ પાસપોર્ટ જરુરી

 ભારતે રસી પાસપોર્ટનો વિરોધ કર્યો છે

કોરોનાની વચ્ચે રસી પાસપોર્ટને લઈને ચર્ચા તેજ થઈ છે. ભારતે રસી પાસપોર્ટનો વિરોધ કર્યો છે. કેન્દ્ર સ્વાસ્થ્ય મંત્રી ડો. હર્ષવર્ધને શુક્રવારે જી 7 પ્લસ મંત્રીસ્તરીય બેઠક દરમિયાન રસી પાસપોર્ટના આ નિર્ણયને ભેદભાવ ભર્યો ગણાવ્યો છે.

ભેદભાવ કરનારી આ પહેલ મંજૂર ન કરી શકાય

સ્વાસ્થ્ય મંત્રી ડો. હર્ષવર્ધનને કહ્યુ કે ભેદભાવ કરનારી આ પહેલ મંજૂર ન કરી શકાય. ડો. હર્ષવર્દને કહ્યુ કે આ પ્રકારનો નિર્ણય ભેદભાવ દર્શાવે છે જેમાં દેશ ફક્ત રસી લેનારા પ્રવાસીઓને જ પરવાનગી આપે છે.  કેમ કે વિકાસશીલ દેશો રસીકરણ કવરેજ વિકસિત દેશોની સરખામણીમાં ઓછુ છે. ભારત આ નિર્ણય એક રસી પાસપોર્ટ વિકાસશીલ દેશો માટે બહું ભેદભાવપૂર્ણ અને નુકસાનદેહ હશે.

લોકોને લાંબો સમય ક્વોરેન્ટાઈન  ન રહેવુ પડે તે માટે આ પાસપોર્ટ જરુરી

મહામારીના આ સમયે રસી પાસપોર્ટ પર ભારતની ચિંતા પર ચર્ચા કરવી જરુરી છે. ભવિષ્યમાં તમે જ્યારે વિદેશ પ્રવાસ કરશો તો તમારી પાસે ડિજિટલ વેક્સિનેશન સર્ટિફિકેટ એટલે કે પાસપોર્ટ હોવું જરુરી છે. જેને મૂળ હેતુ વિદેશમાં ફરવા જનારા લોકોને લાંબો સમય ક્વોરેન્ટાઈન  ન રહેવુ પડે તેનાથી છે.

UNWTOએ દુનિયાભરના દેશોમાં રસી પાસપોર્ટને લાગૂ કરવાની માંગ કરી

હકિકતમાં કોરોના બાદ અનેક દેશોમાં ઈન્ટરનેશનલ ટ્રાવેલર પર પ્રતિબંધ છે. આના ચાલતા  WHO અને WEFજેવા સંગઠનોને વેક્સિન પાસપોર્ટ બનાવવા પર કામ કરી રહ્યા છે. યૂનાઈટેડ નેશન્સ વર્લ્ડ ટુરિજ્મ ઓર્ગેનાઈઝેશનને (UNWTO)એ દુનિયાભરના દેશોમાં રસી પાસપોર્ટને લાગૂ કરવાની માંગ કરી છે. જેથી ફરી દુનિયામાં ટુરિઝમ શરુ થઈ શકે. WHOએ વેક્સિન પાસપોર્ટમાં અનેક ઈમરજન્સી ઉપયોગ માટે મંજૂરી મેળવનારી રસીને સામેલ કરી છે પણ કોવૈક્સીન તેમાં સામેલ નથી કરી.