છ વારની વિશ્વ ચેમ્પિયન એમસી મેરી કોમ અને અનુભવી એલ સરિતા દેવીએ બીજી ઇન્ડિયા ઓપન બોક્સિંગ ટૂર્નામેન્ટના અંતિમ દિવસે ગોલ્ડ મેડલ જીત્યો છે. એશિયાડમાં ગોલ્ડ મેડલ વિજેતા અમિત પંઘાલે 'જાઇન્ટ કિલર' સચિન સિવાચથી મળેલી ટક્કરનો સામનો કર્યા બાદ 4-1 ની જીત સાથે 52 કિલો કેટેગરીમાં પહેલું સ્થાન હાંસલ કર્યું છે.
ભારતે આ ટૂર્નામેન્ટમાં પુરુષ કેટેગરમાં ચાર (52 કિલો, 81 કિલો, 91 કિલો અને પ્લસ 91 કિલો) અને મહિલા કેટેગરીમાં ત્રણ (51 કિલો, 57 કિલો, 75 કિલો) માં ગોલ્ડ મેડલ મેળવ્યો છે. કુલ મળીને ભારતને 18માંથી 12 ગોલ્ડ મળ્યા છે. ગત વર્ષે દિલ્હીમાં થયેલ પહેલી ઓપન ટૂર્નામેન્ટમાં ભારતને 6 ગોલ્ડ મેડલ મળ્યા હતા. વર્લ્ડ ચેમ્પિયનશિપ મેડલ વિજેતા સરિતા દેવીએ સિમરનજીત કૌરને 3-2થી હરાવી ત્રણ વર્ષમાં પહેલીવાર ગોલ્ડ મેડલ મેળવ્યો હતો.
પહેલીવાર 60 કિલોની કેટેગરીમાં ઉતરેલી સિમરનદજીતે પહેલા સ્ટેજમાં પ્રભાવિત કર્યા પરંતુ બાદમાં સરિતાએ શાનદાર વાપસી કરી. સરિતાએ પોતાનો મેડલ પોતાની માં લૈશરા ખોમથોંબીને સમર્પિત કર્યો. જેમનું ગત વર્ષે નિધન થઇ ગયું.