ટ્રેડ ડીલ / PM મોદી જો આ કરાર પર ટ્રમ્પને સહી કરી આપશે તો ૮ કરોડ પરિવારોની રોજી-રોટી બગડશે

• ટ્રમ્પ 24-25 ફેબ્રુઆરીના રોજ ભારત પ્રવાસે આવશે
• ભારત-અમેરિકા વચ્ચે વેપારને લઇને થઇ શકે છે કેટલીક સમજૂતિ

જો કે રોબર્ટ લેથાઇઝરના આ ભારત પ્રવાસ રદ્દ અંગે અમેરિકા તરફથી કોઇ કારણ આપવામાં આવ્યું નહોતું. રોબર્ટ લેથાઇઝરનો પ્રવાસ રદ્દ થવાથી ભારત અને અમેરિકા વચ્ચેની ટ્રેડ ડીલ પરની આશાઓ પર પાણી ફરી વળ્યું છે. જો કે સૂત્રોને મળતી જાણકારી મુજબ રોબર્ટ લેથાઇઝર રાષ્ટ્રપતિ ડોનાલ્ડ ટ્રમ્પના ભારત આવનારા પ્રતિનિધિમંડળ સાથે આવી શકે છે. 
 

ભારત સરકાર હજુ પણ ટ્રેડ ડીલને લઇને સકારાત્મક છે, આ જ કારણ છે કે સરકારે અમેરિકાને એક ઓફર આપી છે. સૂત્રોને મળતી જાણકારી મુજબ ભારતે અમેરિકા સાથે સંભવિત ટ્રેડ ડિલ માટે પોતાની ડેરી અથવા પોલ્ટ્રી (મરઘાં) ઇન્ડસ્ટ્રીમાં છૂટ આપવાની ઓફર કરી છે. 

8 કરોડ લોકોની રોજીરોટી પર આવી શકે છે સંકટ

જો મોદી સરકાર ટ્રેડ ડીલ કરવા માટે દેશની ડેર અને પોલ્ટ્રી (મરઘાં) ઇન્ડ્રસ્ટ્રીઝ અમેરિકા માટે ખોલવાનો નિર્ણય કરે છે તો તેની અસર દેશના 8 કરોડ લોકોની આજીવિકા પર પડી શકે છે. 

ખરેખર તો ભારત, દુનિયાનું સૌથી મોટો દુધ ઉત્પાદન દેશ છે, જેમાં 8 કરોડ લોકોની આજીવિકા જોડાયેલી છે. જેમાં સૌથી વધારે ગ્રામીણ વિસ્તારના લોકો સામેલ છે. ભારતે પારંપારિક રીતે દેશમાં ડેરી પ્રોડક્ટસની આયાત પર રોક લગાવી છે. પરંતુ જો મોદી સરકાર આ ક્ષેત્રમાં અમેરિકાને નિકાસ કરવા માટે કોઇ છૂટ આપે છે તો તેની સીધી અસર ભારતીય દુધ ઉત્પાદકો અને ડેરી પ્રોડક્ટના વેપાર પર પડી શકે છે. 

 

એવામાં આશંકા વ્યક્ત કરવામાં આવી રહી છે કે જો ભારત સરકાર અમેરિકા માટે પોતાના ડેરી અને પોલ્ટ્રી (મરઘાં) ક્ષેત્ર ખોલવાનો નિર્ણય કરે છે તો અમેરિકાની મોટી-મોટી કંપનીઓની સામે આપણા ખેડૂતો અને દુધ ઉત્પાદક પ્રતિસ્પર્ધામાં તેમનાથી પાછળ  રહી જશે. જો કે હજુ સુધી કેન્દ્ર સરકાર પોતાના નિર્ણય પર વિચાર કરી રહી છે અને કોઇપણ નિર્ણય લેવામાં આવ્યો નથી. 

એક મળતાં અહેવાલ મુજબ મોદી સરકારે ભારતની ડેર ઇન્ડસ્ટ્રીઝમાં પ્રવેશ કરવા માટે અમેરિકાને 5 ટકા ટેરિફ અને કોટા ઓફર કર્યો છે. આ સાથે સરકારી સૂત્રોના જણાવ્યા અનુસાર અમેરિકના ડેરી પ્રોડકટની આયાતને પણ મંજૂરી આપવામાં આવી શકે છે. જો કે તેને લઇને સરકારે કેટલીક શરતો રાખી છે. 

ઉલ્લેખનીય છે કે અમેરિકના રાષ્ટ્રપતિ ડોનાલ્ડ ટ્રમ્પ પોતાની પહેલી ભારત પ્રવાસ પર 24 ફેબ્રુઆરીના રોજ અમદાવાદ પહોંચશે. ત્યાર બાદ ટ્રમ્પ દિલ્હી જશે.