ભારતીયોને જે ચીજ પસંદ આવી જાય તે ખરીદવામાં કદી પણ પાછીપાની કરતા નથી. 2022માં પણ ભારતવાળાએ એક ચીજની ખરીદી કરવામાં જાપાનવાળાને પાછળ રાખી દીધા હતા.
2022માં ભારતે બનાવ્યો રેકોર્ડ
બન્યો દુનિયાનો ત્રીજો સૌથી મોટો ઓટોમોબાઈલ દેશ
2022માં ભારતમાં કુલ 42.5 લાખ નવી ગાડીઓનું વેચાણ
જાપાનમાં 2022માં 2 લાખ ગાડીઓ વેચાઈ
2022ના વર્ષમાં ભારતના લોકોએ ગાડી ખરીદવામાં પૈસાનું પાણી કર્યું છે તે વાત સાબિત થઈ છે. આ વર્ષમાં ભારતના લોકો 42.5 લાખ નવી ગાડીઓ ખરીદીને જાપાનવાળાને પાછળ રાખી દીધા. ઓટો માર્કેટ ઈન્ડસ્ટ્રી દ્વારા આપવામાં આવેલી માહિતીમાં ખુલાસો થયો છે કે 2022માં ભારતમાં કુલ 42.5 લાખ નવા વાહનોનું વેચાણ થયું છે. તે જ સમયે, જાપાનમાં 2022 ના આ સમયગાળા દરમિયાન કુલ 42 લાખ યુનિટ વાહનોનું વેચાણ થયું છે. આવી સ્થિતિમાં, ભારત વર્ષ 2022 માં વિશ્વનું ત્રીજું સૌથી મોટું ઓટો માર્કેટ તરીકે ઉભરી આવ્યું છે.
મારૂતિ સુઝુકીએ વાહનોના વેચાણના આંકડા જાહેર કર્યા
સોસાયટી ઓફ ઈન્ડિયન ઓટોમોબાઈલ મેન્યુફેક્ચરર્સ (સિયામ) દ્વારા આપવામાં આવેલી માહિતી અનુસાર, જાન્યુઆરીથી નવેમ્બર 2022 સુધીમાં ભારતમાં કુલ 41.3 લાખ વાહનોની ડિલિવરી કરવામાં આવી હતી. સાથે જ વર્ષના અંત સુધીમાં આ આંકડો 42.50 લાખ સુધી પહોંચી ગયો હતો. દેશની સૌથી મોટી ઓટો સેક્ટરની કંપની મારૂતિ સુઝુકીએ ડિસેમ્બરમાં પોતાના વાહનોના વેચાણના આંકડા જાહેર કર્યા છે. આ પછી ખુલાસો થયો હતો કે ભારત દુનિયાનું ત્રીજા નંબરનું સૌથી મોટું ઓટો માર્કેટ બનીને ઊભરી આવ્યું છે. જાપાન ઓટોમોબાઇલ ડીલર્સ એસોસિએશને જણાવ્યું હતું કે, વર્ષ 2022માં જાપાનમાં વાહનોનું વેચાણ ઓછું રહ્યું છે. ગયા વર્ષે જાપાનમાં કુલ 42 લાખ વાહનોનું વેચાણ થયું હતું, જે વર્ષ 2021ની સરખામણીએ 5.6 ટકા ઓછું છે.
દુનિયામાં સૌથી વધારે વાહન વેચતા કયા પહેલો અને બીજો દેશ કયો
ચીન દુનિયાનું સૌથી મોટું ઓટોમોબાઈલ માર્કેટ છે. વર્ષ 2021 માં, ચીનમાં કુલ 2.62 મિલિયન વાહનોનું વેચાણ થયું હતું. તે જ સમયે, અમેરિકા બીજા સ્થાને હતું, જેમાં 2021 માં કુલ 1.54 મિલિયન વાહનોનું વેચાણ થયું હતું. તે જ સમયે, 2021 માં જાપાનમાં કુલ 44.4 લાખ વાહનો વેચાયા હતા. જાપાન વર્ષોથી એશિયાનું સૌથી મોટું ઓટો માર્કેટ રહ્યું છે. વર્ષ 2018માં જાપાનમાં કુલ 40.4 લાખ વાહનોનું વેચાણ થયું હતું. 2019માં કુલ 40 લાખ વાહનોનું વેચાણ થયું હતું. 2020 માં, કોરોના રોગચાળા પહેલા, ઓટો ક્ષેત્રને મોટો આંચકો લાગ્યો હતો અને જાપાનમાં વાહનોનું વેચાણ 30 વર્ષથી પણ ઓછું હતું.