અટકળો તેજ / T20 વર્લ્ડ કપમાં રવીન્દ્ર જાડેજા નહીં આ ગુજરાતી ખેલાડીની થશે એન્ટ્રી? નામ જાણીને તમે પણ ચોંકી જશે

• IPL 2022માં જાડેજાનું ખરાબ પરફોર્મન્સ 
• વર્લ્ડ કપમાં આ ખેલાડીની થશે એન્ટ્રી? 
• નામ જાણીને તમે પણ ચોંકી જશે 

ભારતના પૂર્વ ક્રિકેટર સંજય માંજરેકર ટી 20 વર્લ્ડ કપ 2022 માટે ટીમ ઈન્ડિયામાં રવિન્દ્ર જાડેજાની જગ્યા પાક્કી નથી માની રહ્યા. તેમના અનુસાર, ભારતીય ટીમ જાડેજાની જેમ અક્ષર પટેલ જેવા ઓલરાઉન્ડરને સ્ક્વાડનો ભાગ બનાવી શકે છે. તેની પાછળ માંજરેકર અમુક તર્ક રાખતા પણ જોવા મળી રહ્યા છે.

શું કહ્યું માંજરેકરે? 
માંજરેકરે એક ઈન્ટરવ્યૂમાં જણાવ્યું કે, "દિનેશ કાર્તિક આ દર્શાવી ચુક્યા છે કે તે છઠ્ઠા અથવા સાતમાં નંબર પર બેટિંગ કરી શકે છે. અહીં તેમણે બેટિંગ કરીને ખૂબ પ્રભાવિત પણ કર્યા છે. IPL અને દક્ષિણ આફ્રીકા સીરીઝમાં તેમને આપણે જોઈ ચુક્યા છીએ. જાડેજા માટે આ સરળ નહીં રહે કે તે આવીને તેમની જગ્યા પર રમી શકે. એવામાં ભારતીય ટીમ અક્ષર પટેલ જેવા ઓલરાઉન્ડરને પોતાના ગ્રુપનો ભાગ બનાવી શકે છે."

માંજરેકર પોતાની વાતને વધુ મજબૂત આધાર આપતા કહે છે. "હવે આ ટીમની પાસે દિનેશ કાર્તિકની સાથે સાથે હાર્દિક પંડ્યા પણ છે. જે નિચલા ક્રમમાં સારી બેટિંગ કરી રહ્યા છે. પછી ઋષભ પંત પણ અહીં બેટિંગ કરે છે. માટે જાડેજા માટે તે સરળ નહીં રહે."

IPL 2022માં ખરાબ પ્રદર્શન 
ઉલ્લેખનીય છે કે, IPL 2022 રવિન્દ્ર જાડેજા માટે ખૂબ જ ખરાબ સાબિત થયું હતું. ન તો તે બોલિંગમાં કોઈ ચમત્કાર દેખાડી શક્યો હતો અને નતો બોલિંગમાં. છેલ્લા કેટલાક સમયથી તે સતત ઈજાગ્રસ્ત પણ થઈ રહ્યો છે. 

જાડેજાની ગેરહાજરીમાં ટીમ ઈન્ડિયાના ઘણા ખેલાડીઓએ શાનદાર પ્રદર્શન કર્યું છે. આવી સ્થિતિમાં સિલેક્ટર્સ માટે આ વખતે ટી-20 વર્લ્ડ કપની ટીમની પસંદગી કરવી એટલી સરળ નહીં હોય.