ભારતીય હવામાન વિભાગે ચેતવણી આપી છે કે અરબ સાગરમાં 16 મેના રોજ ચક્રવાતી તોફાન આવી શકે છે. જેને લઈને હવામાન વિભાગે ખેડૂતોને ખાસ એલર્ટ આપ્યું છે.
ભારતીય હવામાન વિભાગે ચેતવણી આપી
અરબ સાગરમાં 16 મેના રોજ ચક્રવાતી તોફાન આવી શકે છે
ખેડૂતોને પણ અપાયું ખાસ એલર્ટ
ભારતીય હવામાન વિભાગે ચેતવણી આપતા કહ્યું કે અરબ સાગરની હવામાનની ગતિવિધિઓમાં ઉથલ પાથલ મચી છે. અરબ સાગરમાં આ સમયે ઓછા દબાણનું ક્ષેત્ર બન્યું છે. આ સમયે આશંકા છે કે 16મેના રોજ ચક્રવાતી તોફાન આવી શકે છે. તેની અસર ચોમાસા પર પડશે. સામાન્ય રીતે કેરળમાં મોનસૂન 1 જૂનના રોજ આવી જાય છે. હવામાન વિભાગે પૂર્વાનુમાનમાં કહયું છે કે આ વખતે પણ તે સમય સર આવશે.
ભારતમાં ચોમાસાનો વરસાદ જરૂરી
કૃષિ વિશેષજ્ઞોનું કહેવું છે કે ખેતી માટે પાણી પર હજુ પણ 40 ટકા આધાર ચોમાસા પર છે. અનાજ ઉગાડનારા ઉત્તર ભારતીય રાજ્યો પંજાબ, યૂપી, હરિયાણા, બિહારમાં સિંચાઈના અન્ય વિકલ્પ મળી રહે છે જેનાથી મોનસૂન વર્ષા પર નિર્ભરતા રહે છે. પહેલા ખેતરોની સિંચાઈ વાદળોથી થતી વર્ષા અને તેની નહેરો પર હતી જે દુકાળની સ્થિતિમાં જાતે સૂકાઈ જતી. 1960 બાદ ટ્યૂબવેલથી ખેતીને સિંચાઈ માટેની વ્યવસ્થા થઈ અને ચોમાસાની ખાસ અસર જોવા મળતી નહી. જ્યાં આ વ્યવસ્થા નથી ત્યાં સંકટની સ્થિતિ જોવા મળી રહી છે. ટ્યૂબવેલના ઉપયોગથી જમીનમાં પાણીનું લેવલ ઘટે છે અને ચોમાસામાં જ સંકટની સ્થિતિ આવવા લાગે છે.
વધશે ખેડૂતો અને સરકારની ચિંતા
હવામાન વિભાગની આગાહી અનુસાર ઓછા વરસાદથી ખેડૂતો અને સરકારની ચિંતા વધશે. ખરીફ પાકની લણણી 15 જૂનથી શરૂ થાય છે. જૂનમાં ચોમાસાનો વરસાદ ઓછો રહ્યો તો ખરીફ પાકના ઉત્પાદન પર તેની સીધઈ અસર જોવા મળી શકે છે. આ માટે ખેડૂતોને પણ ચક્રવાતને લઈને એલર્ટ અપાયું છે. આ વર્ષે કૃષિ વિભાગે સારા વરસાદની આશા સાથે ગયા વર્ષ કરતા વધારે લક્ષ્ય નક્કી કર્યું છે.
India Meteorological Department issues a warning⚠️ and says that a low pressure area formed over the Arabian Sea is likely to intensify into a cyclonic storm by May 16, which may bring heavy rainfall at some places in Goa and south Konkan region. pic.twitter.com/51yHJn3VBo
— All India Radio News (@airnewsalerts) May 14, 2021
ચોમાસા પર થઈ શકે છે અસર
હવામાન વૈજ્ઞાનિકોનું કહેવું છે કે જો ચક્રવાત આવે છે તો તેની અસર ચોમાસા પર થઈ શકે છે કેમકે તોફાનથી ચોમાસાના પવન પર અસર થાય છે. જોવાનું એ છે કે તોફાન કઈ તરફ વધે છે.