આર્થિક મંદીના સમયમાં ભારતીય અર્થવ્યવસ્થાને લઇને આવેલ એક રિપોર્ટ આવનાર સમય માટે ઉત્તમ દેખાઇ રહ્યો છે. બ્રિટેન બેસ્ટ સેન્ટર ફૉર ઇકોનોમિક્સ એન્ડ બિઝનેસ રિસર્ચ (CEBR) તરફથી રજૂ કરવામાં આવેલ રિપોર્ટમાં કહેવામાં આવ્યું છે કે ભારત 2026માં જર્મનીને પાછળ છોડીને વિશ્વની ચોથી સૌથી મોટી અર્થવ્યવસ્થા બની શકે છે.
આગામી 15 વર્ષ સુધી ત્રીજા સ્થાન માટે જાપાન, જર્મની અને ભારત વચ્ચે હરિફાઇ હશેઃ CEBR
રિપોર્ટમાં એમ પણ આશા વ્યક્ત કરાઇ છે કે ભારત 2034માં જાપાનથી આગળ નીકળી જશે અને અમેરિકા, ચીન બાદ ત્રીજા નંબર પર હશે. CEBRએ એમ પણ કહ્યું કે ભારતની GDP (ગ્રોસ ડોમેસ્ટિક પ્રોડક્ટ) 2026 સુધી 5 ટ્રિલિયન ડૉલર સુધી પહોંચી જશે. જોકે, મોદી સરકારે આ લક્ષ્ય 2024 નક્કી કર્યું છે, એટલે સરકાર 2 વર્ષ મોડું આ લક્ષ્ય મેળવી શકશે.
વર્લ્ડ ઇકોનોમિક લીગ ટેબલ 2020 શીર્ષક વાળા રિપોર્ટમાં કહેવામાં આવ્યું છે કે, ભારતે 2019માં ફ્રાંસ અને યૂકેને ફાછળ છોડીને પાંચમાં સ્થાન પર કબ્જો કરી લીધો. આ 2026 સુધી જર્મનીને પાછળ છોડીને ચોથા અને જાપાનને 2034માં પછાડીને ત્રીજા નંબર પર કબજો કરી શકે છે. CEBRના જણાવ્યા અનુસાર, આગામી 15 વર્ષ સુધી ત્રીજા સ્થાન માટે જાપાન, જર્મની અને ભારત વચ્ચે હરિફાઇ હશે.
2024 સુધી ભારતને 5 ટ્રિલિયન ડૉલર ઇકૉનોમી બનાવવાને લઇને પ્રધાનમંત્રી નરેન્દ્ર મોદી દ્વારા નક્કી કરવામાં આવેલ લક્ષ્યનો ઉલ્લેખ કરતા રિપોર્ટમાં કહેવામાં આવ્યું છે કે, ભારત 2026 સુધી આ લક્ષ્યને મેળવી શકે છે. જોકે આમાં એમ પણ કહેવામાં આવ્યું છે કે હાલની અર્થવ્યવસ્થાના કારણે લક્ષ્ય સ્થિરતા પર સવાલ ઉઠી રહ્યા છે. એવું પણ નથી કે ડેટામાં ફેરફારના કારણે ભારતે યૂકે અને ફ્રાંસને પાછળ છોડ્યું, પરંતુ 2019માં ધીમી ગતિથી અર્થવ્યસ્થામાં સુધારા માટે દબાણ વધારવામાં આવ્યું છે.