2030 સુધી ગરમી તણાવને લીધે ઉત્પાદકામાં ઘટાડાનાં કારણે વૈશ્વિક સ્તર પર જે 8 કરોડ નોકરીઓ અસરગ્રસ્ત થવાનાં જે અનુમાન લગાવવામાં આવી રહ્યાં છે તેમાંથી 3.4 કરોડ નોકરીઓ તો માત્ર ભારતમાં જશે.
2030 સુધી ગરમ આબોહવાનાં પ્રમાણમાં થશે વધારો
ભારતમાં 3.4 કરોડ લોકોની નોકરીઓ ખતરામાં
વધી રહેલી લૂ બની શકે છે જીવલેણ
ભારતમાં છેલ્લાં કેટલાક દશકોથી હજારો લોકોનું મોત ગરમી-લૂ છે અને ભારત ટૂંક જ સમયમાં ભીષણ ગરમીઓનો સામનો કરવાવાળો દુનિયાનો પહેલો એવો દેશ હશે જે માણસની સહનશક્તિની બહાર હશે.
વધતી ગરમી આર્થિક ઉત્પાદકતા કરશે ઘટાડો
રિપોર્ટમાં ચેતવણી આપવામાં આવી છે કે ભારતમાં વધી રહેલી ગરમી આર્થિક ઉત્પાદક પર અસર કરશે. ભારતનું 75% કાર્યબળ એટલે કે આશરે 38 કરોડ લોકો એવા ક્ષેત્રોમાં કામ કરે છે કે જ્યાં તેમને ગરમ વાતાવરણમાં રહેવું પડે છે. ઘણીવાર તેમને જીવન માટે સંભવિતરૂપે ભયાનક તાપમાનમાં કામ કરવું પડે છે. 2030 સુધી ગરમીનાં તણાવમાં વધારો થશે તો તેના સંબંધિત ઉત્પાદકતામાં ઘટાડો થશે જેના લીધે વૈશ્વિક સ્તરે જે 8 કરોડ નોકરીઓ જશે તેમાંથી 3.4 કરોડ નોકરીઓ ભારતમાં જશે.
દિલ્હીમાં તાપમાન 46 ડિગ્રી હતું
રિપોર્ટ અનુસાર ભારત દેશ અપેક્ષાથી પણ વધુ ગરમીનો સામનો કરી રહ્યું છે જે વહેલી ચાલુ થાય છે અને લાંબા સમય સુધી ચાલે છે. રિપોર્ટમાં કહેવામાં આવ્યું છે કે એપ્રિલ 2022માં ભારત સમયથી પહેલા લૂ ની હડફેટે આવી ગયું હતું જેનાથી સામાન્ય માણસનું જનજીવન ખોરવાયું હતું. રાજધાની દિલ્હીમાં તાપમાન 46 ડિગ્રી સેલ્સિયસ સુધી પહોચ્યું હતું. માર્ચનાં મહીનામાં દિલ્હી તાપમાનમાં વૃદ્ધિનો સાક્ષી બન્યો હતો અને આ ઇતિહાસનો સૌથી ગરમ માર્ચ મહીનો બન્યો હતો.
એક બેઠકમાં રિપોર્ટ થયો જાહેર
આ રિપોર્ટ તિરૂવનંતપુરમમાં કેરળ સરકારની સાથેની ભાગીદારીમાં વિશ્વબેંક દ્વારા આયોજિત 2 દિવસીય 'ભારત જળવાયુ અને વિકાસ ભાગેદારો'ની બેઠકમાં રજૂ કરવામાં આવ્યો હતો.
સનસ્ટ્રોક સામે ભારત ખતરામાં
રિપોર્ટમાં એવી શંકાઓ દર્શાવવામાં આવી છે કે ભારતમાં લૂ ની તીવ્રતા એ સીમાને પાર કરશે કે જે વ્યક્તિની સહનશક્તિની પણ બહાર હશે. તેમાં લખાયું છે કે ઓગસ્ટ 2021માં જળવાયુ પરિવર્તન પર આંતર સરકારી પેનલ IPCCનાં છઠ્ઠા આંકલન રિપોર્ટમાં આ મુદે ચેતવણી આપવામાં આવી છે.
ગરમ આબોહવા વધુ સમય સુધી રહેશે
રિપોર્ટ અનુસાર જી20 ક્લાઇમેટ રિસ્ક એટલસે પણ 2021માં ચેતવણી આપી હતી કે જો કાર્બન ઉત્સર્જનનું સ્તર વધુ રહેશે તો સમગ્ર ભારતમાં 2036થી 2065 સુધીની વચ્ચે 25 ઘણો વધુ સમય લૂ કે ગરમ આબોહવા રહેશે.