Coronavirus / ભારતે કોરોનાને મ્હાત આપવા માટે અપનાવી 100 વર્ષ જૂની થેરાપી, આ સ્થળે થશે ટ્રાયલ

• કોરોના સામે લડવા માટે કરાશે બ્લડ પ્લાઝમાં થેરાપીનો ઉપયોગ
• થેરાપીના ક્લિનિકલ ટ્રાયલને ICMRએ આપી મંજૂરી
• કેરળ બનશે પ્લાઝ્મા થેરાપીનો ઉપયોગ કરનારું પ્રથમ રાજ્ય

ઉલ્લેખનીય છે કે, ICMR આ થેરાપી માટે ક્લિનિકલ ટ્રાયલ માટે પ્રોટોકોલ બનાવવા માટે અંતિમ તબક્કામાં છે. જો બ્લડ પ્લાઝ્મા થેરાપીને સમજીએ તો આ થેરાપીમાં કોરોના વાયરસને હરાવી સાજા થયેલા દર્દીના લોહીનો ઉપયોગ થાય છે. આ થેરાપીથી કોરિયાને સફળતા મળી છે. કોરિયામાં બે લોકો પર આ થેરાપીનો ઉપયોગ કરાયો છે. જેના સારા પરિણામ મળી રહ્યા છે. 

100 વર્ષ જૂની થેરાપીને અપાઇ મંજૂરી 

આપને જણાવી દઇએ કે, કોરિયામાં થયેલા ટ્રાયલ દરમિયાન કોરોનાથી સાજા થયેલા વ્યક્તિના લોહીમાંથી એન્ટીબોડી લઈ તેનો ઉપયોગ કોરોનાગ્રસ્ત દર્દી પર કરાયો.. જેનાથી કોરોનાગ્રસ્ત દર્દીની રોગપ્રતિકારક શક્તિમાં વધારો થયો. આ 100 વર્ષથી પણ વધુ જૂની થેરાપી છે. 1918માં ફ્લૂ, ચેચક, નિમોનિયા અને અન્ય કેટલાય સંક્રમણ આ પધ્ધતિ કામ આવી હતી. 

ટૂંક સમયમાં શરૂ કરાશે ટ્રાયલ 

ક્લિનિકલ ટ્રાયલ એટલે સમજી શકાય કે શરૂઆતમાં જે વ્યક્તિની હાલત બહુ ખરાબ છે અને વેન્ટીલેટર પર છે તેના પર જ આ પધ્ધતિનો ઉપયોગ થશે.. જો સારા પરિણામ આવ્યા તો આ થેરાપીને અન્ય લોકો પર ઉપયોગ કરવાની મંજૂરીની પ્રક્રિયા શરૂ થશે.