આ વખતે ઓસ્કારમાં ભારતને ત્રણ કેટેગરીમાં નોમિનેટ કરવામાં આવ્યું છે અને આ એક રેકોર્ડ છે. ભારતને આ પહેલા ક્યારેય આટલા નોમિનેશન મળ્યા નથી.
ઓસ્કારની મેઇન ઇવેંટ પહેલા જ ભારતે રચ્યો ઈતિહાસ!
આ કેટેગરીમાં ભારતને નોમિનેશન મળ્યું
'નાટુ નાટુ'ને શ્રેષ્ઠ મૂળ ગીત માટે નોમિનેટ કરવામાં આવ્યું
ફિલ્મો સમગ્ર વિશ્વમાં બને છે અને લોકો તેને જુએ છે પછી તે કોઈપણ ભાષામાં હોય પણ ફિલ્મ રસિકો ફિલ્મને જોવા માટે ઉત્સુક રહે છે. અઆપણે બધા જાણીએ છે કે આ ફિલ્મોને પોતપોતાના દેશોમાં એવોર્ડ આપવામાં આવે છે. પણ કેટલીક એવી ફિલ્મો એ હોય છે જેને દુનિયાની બેસ્ટ ફિલ્મો એવોર્ડ મળે છે. વિશ્વભરની શ્રેષ્ઠ અને હૃદયસ્પર્શી ફિલ્મો અને અભિનયને એક જગ્યાએ એકઠી કરીને શ્રેષ્ઠ ફિલ્મને એક એવોર્ડ આપવામાં આવે છે તેમાંથી એક છે ઓસ્કાર. એ એવોર્ડ વિશ્વનો સૌથી મોટો ફિલ્મ પુરસ્કાર છે અને આ વર્ષે તે આવતીકાલે એટલે કે 13 માર્ચ, 2023 ના રોજ ભારતમાં લાઈવ સ્ટ્રીમ થઈ શકે છે. જો કે આ વખતે લોકો વિજેતાની જાહેરાતની આતુરતાથી રાહ જોઈ રહ્યા છે કારણ કે મુખ્ય ઈવેન્ટ પહેલા જ ભારતે ઈતિહાસ રચી દીધો છે.
ઓસ્કારની મેઇન ઇવેંટ પહેલા જ ભારતે રચ્યો ઈતિહાસ!
જણાવી દઈએ કે આ વખતે ઓસ્કારમાં ભારતને ત્રણ કેટેગરીમાં નોમિનેટ કરવામાં આવ્યું છે અને આ એક રેકોર્ડ છે. નોંધનીય છે કે ભારતને આ પહેલા ક્યારેય આટલા નોમિનેશન મળ્યા નથી. મહત્વની વાત એ છે કે ઓસ્કારમાં આ વખતે દીપિકા પાદુકોણ પણ ભારત તરફથી પ્રેઝેન્ટર છે. આ સાથે જ શ્રેષ્ઠ ગીત માટે નોમિનેટ ગીત 'નાટુ નાટુ' પણ ઓસ્કારમાં લાઈવ પરફોર્મ કરવામાં આવશે.
આ કેટેગરીમાં ભારતને નોમિનેશન મળ્યું
ઓસ્કારમાં ભારતને ત્રણ કેટેગરીમાં નોમિનેટ કરવામાં આવ્યું છે; જે કેટેગરીમાં ભારતનું નોમિનેશન છે એ છે 'RRR' ના ગીત 'નાટુ નાટુ' જેને શ્રેષ્ઠ મૂળ ગીત માટે નોમિનેટ કરવામાં આવ્યું છે, 'ઓલ ધ બ્રેથ્સ'(All The Breathes) ને ડોક્યુમેન્ટરી ફીચર માટે નોમિનેટ કરવામાં આવ્યું છે અને 'ધ એલિફન્ટ વ્હીસ્પરર્સ'નો સમાવેશ શોર્ટ ડોક્યુમેન્ટરીમાં કરવામાં આવ્યો છે. જો કે હવે આશા છે કે ભારત આ વખતે ફરીથી ઓસ્કાર જીતશે.