INDvsNZ / T20નો બદલો લેતા કીવીઝે ટીમ ઈન્ડિયાને પહેલી વન-ડેમાં હરાવ્યું, જુઓ મૅચના હીરો અને ઝીરો

• ભારતે કર્યા હતા 347 રન 
• ન્યૂઝીલેન્ડ તરફથી રોસ ટેલરે કરી શાનદાર બેટિંગ 
• ભારતીય ટીમમાં સૌથી વધારે રન શ્રેયસ અય્યરે 103 રન બનાવ્યા

આજની મેચમાં ભારતે શરૂઆતમાં ખુબ સારી બેટિંગ કરીને શરૂઆત કરાવી હતી. પરંતુ ભારતે ઉભા કરેલાં લક્ષ્યાંકને ન્યૂઝીલેન્ડની ટીમે પ્રાપ્ત કરી લીધું. ભારતીય બેટ્સમેનની મેહનત છતાં ભારતની ટીમને સફળતા પ્રાપ્ત થઇ શકી નહીં. ન્યૂઝીલેન્ડ સામેની ટી 20 સીરીઝ જીત્યા બાદ ભારત આજે વન ડેમાં પણ જીતના ઈરાદા સાથે જ ટીમ મેદાનમાં ઉતરી હતી. ન્યૂઝીલેન્ડે ભારતને 4 વિકેટથી માત આપી હતી.

ભારતીય ટીમે આપેલા લક્ષ્યનો પીછો કરી રહી ન્યૂઝીલેન્ડની ટીમે 26મી ઓવરમાં 156 રન બનાવ્યા હતા. માર્ટીન ગપ્ટિલ અને નિકોલસે શરૂઆત ખુબ સારી કરાવી પારંતુ 85 રનના કુલ સ્કોરમાં જ ગપ્ટિલ આઉટ થઇ ગયા. શમીની ઓવરમાં છેલ્લી બોલ પર વિરાટ કોહલી અને શ્રેયસ અય્યરે ગ્રેંડહોમને રનઆઉટ કર્યો. 

ભારતની બેટિંગ : 

ભારતીય ઇનિંગની વાત કરીએ તો ભારતીય ટીમે પહેલા બેટિંગ કરતા 50 ઓવરમાં 347 રન બનાવ્યા હતા. ટીમમાં સૌથી વધારે રન શ્રેયસ અય્યરે 103 રન બનાવ્યા છે. શ્રેયસ અય્યરે આજે કરિયરની પહેલી સદી ફટકારી હતી. કેપ્ટન કોહલીએ 51 અને કે એલ રાહુલે 88 રન કર્યા હતા. છેલ્લી ઘડીએ બેટિંગ કરવા આવેલ કેદાર જાધવે પણ 15 બોલમાં 26 રન કર્યા હતા. 

જે બાદ વિરાટ કોહલી અને શ્રેયસ અય્યરે શાનદાર બેટિંગ કરીને લાંબી પાર્ટનરશીપ કરી. પરંતુ વિરાટ કોહલી ઈશ સોઢીની બોલ પર બોલ્ડ થઇ ગયા. કોહલીના આઉટ થયા બાદ અય્યર અને રાહુલે 136 રનની પાર્ટનરશીપ કરી. જે બાદ અય્યર પણ કેચ આઉટ થઇ ગયા. અંત સમયમાં બેટિંગ કરવા આવેલ કેદાર જાધવે ખુબ આક્રામક બેટિંગ કરી. જાધવ ભારતનો સ્કોર 347 સુધી લઇ ગયા હતા. નોંધનીય છે કે ભારત તરફથી પૃથ્વી અને મયંક ડેબ્યુ કરી રહ્યા છે. 

કોહલીએ ફિલ્ડીંગમાં બતાવી ચપળતા 

આજની મેચમાં ભારતીય ટીમના કેપ્ટન વિરાટ કોહલીએ શાનદાર રીતે નિકોલસને આઉટ કર્યો હતો. બુમરાહની બોલ પર નિકોલસે ફ્લીક કરીને રન લેવાનો પ્રયત્ન કર્યો પરંતુ ત્યાં જ કવર પર ઊભેલાં કોહલીએ દોડીને બોલ પર સ્ટમ્પ પર મારી અને નિકોલસ રન આઉટ થયા. આમ કોહલીની ચપળતાના કારણે ભારતને એક મહત્વની વિકેટ મળી. 

ભારતીય ટીમ : વિરાટ કોહલી, પૃથ્વી શો, મયંક અગ્રવાલ, કે એલ રાહુલ, મનીષ પાંડે, ઋષભ પંત, શ્રેયસ અય્યર, શિવમ દુબે, રવીન્દ્ર જાડેજા, કુલદીપ યાદવ, યુજવેન્દ્ર ચહલ, મોહમ્મદ શમી, જસપ્રીત બુમરાહ, શાર્દુલ ઠાકુર, નવદીપ સૈની

ન્યૂઝીલેન્ડની ટીમ : ટોમ લાથમ, માર્ટિન ગપ્ટિલ, રોસ ટેલર, કાલીન ડી ગ્રેંડહોમ, જીમી નીશમ, સ્કોટ કુગલેઈજન, ટોમ બ્લન્ડેલ, હેનરી નિકોલસ, મિચેલ સેંટનર, હેમીશ બેનેટ, ઈશ સોઢી, ટિમ સાઉદી, કાઈલ જેમીસન, માર્ક ચેપમેન