IPLIN
 

ક્રિકેટ / ટી 20 વર્લ્ડ કપમાં ફાઈનલ મેચ હાર્યું ભારત, પાંચમી વખત વર્લ્ડ ચેમ્પિયન બન્યું ઓસ્ટ્રેલિયા

Team VTV 03:35 PM, 08 Mar 20 | Updated: 03:52 PM, 08 Mar 20
Follow us
india loss final ,atch t 20 worldup

આખી ટૂર્નામેન્ટમાં શાનદાર પ્રદર્શન કરનાર ભારતીય ટીમનું પ્રદર્શન ફાઈનલ મેચમાં ખૂબ નિરાશાજનક પ્રદર્શન રહ્યું. ભારતીય ટીમ પહેલીવાર ફાઈનલમાં પહોંચ્યું હતું. આજની મેચમાં પહેલાં બેટિંગ કરવા ઉતરેલી ઓસ્ટ્રેલિયાની ટીમે શાનદાર પ્રદર્શન કર્યું. જયારે ભારતીય ટીમનો ધબડકો પડ્યો. વર્લ્ડ ચેમ્પિયન બનવાના ઈરાદા સાથે ક્રિકેટના મેદાનમાં ઉતરેલી ટીમ ઈન્ડિયા 99 રન પર જ ઓલ આઉટ થઇ ગઈ.

  • ફાઈનલ મેચમાં ટીમનું નિરાશાજનક પ્રદર્શન 
  • શેફાલી વર્મા માત્ર 2 રન પર આઉટ 
  • શેફાલીએ આજની મેચમાં એક મહત્વનો કેચ પણ છોડ્યો હતો 

પહેલીવાર ફાઈનલમાં ઉતરેલી ભારતીય ટીમની શરૂઆત ખૂબ ખરાબ થઇ. 185 રનનો પીછો કરવા ભારતીય ટીમ ઉતરી અને ત્રીજા જ બોલ પર શેફાલી વર્મા માત્ર 2 રન પર જ આઉટ થઇ ગઈ. તે બાદ તાનિયા ભાટિયા ઈજાગ્રસ્ત થઇ ગઈ. આ બે ઝટકા બાદ જોનાસનની બોલ પર જેમિમાએ નિકોલા કેરીને કેચ પકડાઈ દીધો.

ભારતની ધડાધડ વિકેટ બાદ સ્મૃતિ મંધાના પણ પોતાની વિકેટ ગુમાવી બેઠી.જોકે તે બાદ દીપ્તિ શર્મા અને વેદા કૃષ્ણામૂર્તિએ રન બનાવવાના પ્રયત્નો કર્યા પરંતુ વેદાની વિકેટ પડતા 28 રનની પાર્ટનરશીપ તૂટી ગઈ. 58 રન પર જ ભારતની 5 વિકેટ પડી ગઈ. 

 

ફાઈનલ મેચમાં ઓસ્ટ્રેલિયાએ પહેલાં બેટિંગ કરવાનો નિર્ણય લીધો. બોલિંગ કરવા ઉતરેલી ભારતીય ટીમની શરૂઆત સારી ન રહી. દીપ્તિ શર્માની પહેલી જ ઓવરમાં શેફાલી વર્માએ એલીસા હિલીનો કેચ છોડી દીધો. બાદમાં ચોથી ઓવરમાં રાજેશ્વરી ગાયકવાડે બેથ મૂનીનો કેચ છોડ્યો. બે મોટી ભૂલનાં કારણે ઓસ્ટ્રેલિયાએ પાંચ ઓવરમાં જ 47 રન બનાવી નાખ્યા. 

ઓસ્ટ્રેલિયાની ટીમ તરફથી એલીસા હિલી અને બેથ મૂનીએ શાનદાર પ્રદર્શન કર્યું. રાધા યાદવે આ પાર્ટનરશીપ તોડી. રાધાની બોલ પર હિલી 75 રન બનાવી આઉટ થઇ. 

 

ઓસ્ટ્રેલિયન ટીમ આજે છઠ્ઠી વખત ફાઈનલ રમી રહી હતી. ઓસ્ટ્રેલિયન ટીમ ચાર વખત વર્લ્ડ ચેમ્પિયન રહી ચુકી છે. જયારે ભારતીય ટીમ પહેલીવાર ફાઈનલમાં પહોંચી હતી. આજની મેચમાં દર્શકોમાં પણ ભારે ઉત્સાહ જોવા મળ્યો, ખૂબ મોટી સંખ્યામાં દર્શકો મેચ જોવા પહોંચ્યા હતા. 

 

ભારતીય ટીમ માટે આ ટૂર્નામેન્ટમાં સૌથી મોટી સ્ટાર 16 વર્ષિય બેટ્સમેન શેફાલી વર્મા રહી. શેફાલીએ આખી ટૂર્નામેન્ટમાં ધુઆંધાર બેટિંગ કરીને બધાને અચંભિત કરી દીધા. સાથે જ બોલર્સમાં પૂનમ અને રાધાએ પણ તાબડતોડ વિકેટ લઇને શાનદાર પ્રદર્શન કર્યું. 

ટીમ ઈન્ડિયા પ્લેયિંગ ઈલેવન : શેફાલી વર્મા, સ્મૃતિ મંધાના, હરમનપ્રીત કૌર, જેમિમા રોડ્રિગ્સ, દીપ્તિ શર્મા, તાન્યા ભાટિયા, વેદા કૃષ્ણામૂર્તિ, શિખા પાંડે, રાધા યાદવ, પૂનમ યાદવ, રાજેશ્વરી ગાયકવાડ

t 20 world cup Sports News Cricket IND vs AUS 2020 shefali verma dipti sharma Final t 20 final ટી 20 વર્લ્ડ કપ મહિલા ટી 20 વર્લ્ડ કપ શેફાલી વર્મા દીપ્તિ શર્મા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ