સાબદા રહેજો / રાડ પડાવી દેશે કોરોના ! 4 મહિના બાદ આવ્યાં ચોંકાવનારા કેસ, રાજ્યોને 'જાગતા' રહેવાની કેન્દ્રની ચેતવણી

• દેશમાં કોરોના ઉપડ્યો
• 126 દિવસ બાદ કેસમાં ઉછાળો
• છેલ્લા ચોવીસ કલાકમાં 843 કેસ

કોરોનાના કેસ ફરી એકવાર વધવા લાગ્યા છે. છેલ્લા 24 કલાકમાં 800થી વધુ કેસ નોંધાયા હતા. શનિવારે 126 દિવસ બાદ એક દિવસમાં કોરોના વાયરસ સંક્રમણના 843 કેસ નોંધાયા છે. 

XBB.1.16 વેરિયન્ટથી વધ્યાં કોરોના કેસ 
સરકારી એજન્સી INSACOGના જણાવ્યા પ્રમાણે, કોરોનાના નવા XBB.1.16 વેરિયન્ટના 76 સેમ્પલ મળ્યાં છે જે ભારતમાં કોરોના કેસ વધવા માટે જવાબદાર હોઈ શકે. 

India logs more than 800 (843) fresh coronavirus cases after 126 days. Number of active cases climbs to 5,389: Health ministry

— Press Trust of India (@PTI_News) March 18, 2023

કયા રાજ્યમાં કેટલા મોત 
છેલ્લા 5 કલાકમાં ઝારખંડ અને મહારાષ્ટ્રમાંથી એક-એક મોત નોંધાયા છે, જ્યારે કેરળમાંથી બે મોત નોંધાયા છે. આ સાથે મૃતકોની કુલ સંખ્યા વધીને 30,799,5 થઈ ગઈ છે. મંત્રાલયના જણાવ્યા અનુસાર, દેશમાં સક્રિય કેસની સંખ્યા 839,0 છે, જે ચેપગ્રસ્તોની કુલ સંખ્યાના 01.98 ટકા છે. 

According to INSACOG data, 76 samples of COVID-19's XBB.1.16 variant have been found which might be behind the recent rise of cases in India.

— Press Trust of India (@PTI_News) March 18, 2023

6 રાજ્યોને જાગતા રહેવાની તાકીદ 
કોરોનાના કેસ વધવાની વચ્ચે કેન્દ્ર સરકાર પણ એક્શનમાં આવી છે. કેન્દ્રએ છ રાજ્યો - મહારાષ્ટ્ર, ગુજરાત, તેલંગાણા, તમિલનાડુ, કેરળ અને કર્ણાટકને સંભવિત સ્થાનિક ફેલાવાને ટાંકીને ચેપમાં ઉછાળાને રોકવા માટે જોખમ આકારણી-આધારિત અભિગમ અપનાવવા જણાવ્યું હતું. કેન્દ્રીય આરોગ્ય સચિવ રાજેશ ભૂષણે આ રાજ્યોને લખેલા પત્રમાં જણાવ્યું હતું કે, "કેટલાક રાજ્યો એવા છે જ્યાં મોટી સંખ્યામાં કેસ આવી રહ્યા છે, જે સૂચવે છે કે ચેપનો સંભવિત સ્થાનિક ફેલાવો છે. ભૂષણે આ રાજ્યોને સલાહ આપી હતી કે તેઓ નાના પાયે કોવિડ -19 પરિસ્થિતિ પર નજર રાખે અને રોગના તાત્કાલિક અને અસરકારક સંચાલન માટે જરૂરી પગલાં લાગુ કરવા પર ધ્યાન કેન્દ્રિત કરે.