ભારતીય U19 ક્રિકેટ ટીમે પાંચમી વખત Under19 Worldcup જીતી લીધો છે. યશ ધુલની આગેવાનીમાં ઇંગ્લેન્ડ સામેની ફાઇનલમાં ભારતીય ટીમનો ચાર વિકેટે વિજય થયો હતો.
Under19 Worldcup ફાઈનલમાં ભારતનો ઇંગ્લેન્ડ સામે વિજય
રાજ બાવાએ પાંચ વિકેટ લીધી અને 35 રન બનાવ્યા
યશ ધુલની આગેવાનીમાં ભારત પાંચમી વખત ટુર્નામેન્ટ જીતનારી પ્રથમ ટિમ
ભારતીય U19 ક્રિકેટ ટીમે પાંચમી વખત Under19 Worldcup Final જીતીને ઇતિહાસ રચ્યો હતો. કપ્તાન યશ ધુલની આગેવાનીમાં ઇંગ્લેન્ડ સામેની ફાઇનલમાં ભારતીય ટીમનો ચાર વિકેટે વિજય થયો હતો. આ સાથે સૌથી વધુ વખત ટુર્નામેન્ટ જીતવાનો ઇતિહાસ ધરાવતી ટિમ ઇન્ડિયાવધુ એક વખત વિજેતા બની છે.
રાજ બાવાએ કર્યું રાજ
આ મેચમાં પાછળની મેચના હીરો યશ ધુલ માત્ર 17 રને આઉટ થયા હતા અને રશીદે ફિફટી મારી ટીમને સ્થિરતા જરૂર અપાવી હતી પણ મેચનો અસલી હીરો રાજ બાવા બન્યો હતો. તેણે બોલિંગમાં તો ઇંગ્લેન્ડની ટીમને રીતસર ઘૂંટણિયે પાડી દીધી હતી અને પાંચ વિકેટ ઝડપી હતી. તેમજ બેટીંગમાં પણ ખરા સમયે તેણે 35 રનની ઉપયોગી ઈનિંગ રમી હતી.
આ સીવાય ખરા સમયે ભારતીય ટીમને બચાવનાર ખેલાડી નિશાંત સંધુ 54 બોલમાં 50 રન બનાવીને અણનમ રહ્યો હતો. ભારતીય ટીમે શરૂઆતની વિકેટ જલ્દી ગુમાવી દીધા બાદ અને સેમિફાઇનલના હીરો કપ્તાન યશ ધુલ અને ઉપકપ્તાન રશીદના આઉટ થયા બાદ આશા ધૂંધળી બનતી જતી હતી. પણ નિશાંત એક છેડે ઉભો રહ્યો હતો. જેના કારણે ભારત પાંચમી વખત ટાઇટલ જીત્યું હતું.
બેટીંગના ખરાબ શરૂઆત
ભારતની પ્રથમ વિકેટ ઇનિંગની પહેલી જ ઓવરમાં પડી ગઈ હતી. પહેલી ઓવરના બીજા જ બોલે ઓપનર અંગક્રિશ રઘુવંશી 0 પર આઉટ થયો હતો. જ્યારે બીજી વિકેટ હરનુર સિંઘ 21 રનના વ્યક્તિગત સ્કોર પર આઉટ થવા પર પડી હતી. 27 મિ ઓવરમાં ફાઈનલમાં ભારતની ત્રીજી વિકેટ પડી, વાઇસ કેપ્ટન શેખ રશીદ 50 રનના સ્કોર પર આઉટ થયો હતો. 27 ઓવર્સ બાદ ભારતનો સ્કોર ત્રણ વિકેટે 95 રન હતો.
ઈંગ્લેન્ડનો દાવ 189 રને સમેટાયો
આ મેચમાં બોલિંગ કરવા ઉતરેલી ભારતીય ટીમે શાનદાર શરૂઆત કરી હતી. ટોસ હાર્યા બાદ બોલિંગ કરવા આવેલી ટીમ ઈન્ડિયાએ પ્રથમ 4 ઓવરમાં જ ઈંગ્લેન્ડને બે ઝટકા આપ્યા હતા. અને આ કામ બીજા કોઈએ નહીં પણ રવિ કુમારે કર્યું હતું, જેણે આખી ટૂર્નામેન્ટમાં ટીમ ઈન્ડિયા માટે શાનદાર પ્રદર્શન કર્યું છે. આ મેચમાં રવિએ 4 વિકેટ લીધી હતી. પરંતુ આજની મેચમાં રાજ બાવાએ રવિ કરતા વધુ પ્રભાવિત કર્યા હતા. જેણે આ મેચમાં 31 રન આપીને 5 વિકેટ લીધી હતી. ઈંગ્લેન્ડ તરફથી જેમ્સ રેવે સૌથી વધુ 95 રન બનાવ્યા હતા.
રાજ બાવા અને રવિકુમાર ઝળકયા
આ મેચમાં રાજ બાવાએ બેસ્ટ બોલિંગ કરતાં પાંચ વિકેટ લીધી હતી અને રવિ કુમારે ચાર વીકેટ ખેરવી હતી.
ભારતની સૌથી સફળ ટીમ
તમને જણાવી દઈએ કે અંડર 19 વર્લ્ડ કપના ઈતિહાસમાં ભારત સૌથી સફળ ટીમ રહી છે. અગાઉ ટીમ ઈન્ડિયાએ આ ટુર્નામેન્ટની ટ્રોફી સૌથી વધુ ચાર વખત જીતી છે. એટલું જ નહીં આ ટૂર્નામેન્ટમાં ટીમ ઈન્ડિયાની આ સતત ચોથી ફાઈનલ મેચ છે. ટીમ ઈન્ડિયાની નજર રેકોર્ડ પાંચમું ટાઈટલ જીતવા પર જ હતી. બીજી તરફ ઈંગ્લેન્ડ 24 વર્ષ બાદ ફરી એકવાર આ ખિતાબ જીતવા ઈચ્છશે. ઈંગ્લેન્ડે સેમિફાઈનલમાં અફઘાનિસ્તાનને હરાવ્યું હતું. તે જ સમયે, ભારત ઓસ્ટ્રેલિયાને હરાવીને ફાઇનલમાં પહોંચ્યુંહતું.
ક્યા ક્યા કેપટન્સ જીતાડી ચુક્યા છે?
અગાઉ ભારત 2000 નાં વર્ષમાં, ત્યાર પછી 2008, 2012 અને 2018 માં ટ્રોફી જીતી ચૂક્યું છે. ભારતને અંડર 19 વર્લ્ડકપમાં મહમદ કૈફ, વિરાટ કોહલી, ઉનમુક્ત ચંદ અને પૃથ્વી શો જેવા કેપટન્સનો મોટો ફાળો રહ્યો છે. હવે આ વખતે યશ ધુલની કેપ્ટન્સીમાં ભારત જીત્યું હતું. યશે સેમિફાઇનલમાં કેપ્ટન ઇનિંગ રમતા શાનદાર સદી ફટકારીને ભારતને ઓસ્ટ્રેલિયા સામે જીત અપાવી હતી.