ભારતની પોતાની પહેલી દેશી GPS સિસ્ટમ લોન્ચ ટ્રેકિંગ કરી શકાશે ફટાફટ

ગયા વર્ષથી જ દેશી GPS મોડ્યુલ વિશે ઘણું સાંભળવા મળી રહ્યુ છે અને કહેવાતું હતુ કે ટૂંક સમયમાં જ ભારતને પોતાનું GPS મોડ્યૂલ મળી જશે. છેવટે આ સ્વપ્ન સાકાર થયું નવી દિલ્હીમાં યોજાયેલી એક ઇવેન્ટમાં ST માઇક્રોઇલેક્ટ્રોનિક્સ અને મોબાઇલટેકે UTraQ નામનું GPS મોડ્યૂલ લોન્ચ કરી દીધું છે જે IRNSS પર આધારિત છે અને લોકેશન ટ્રેસ કરવામાં ઉપયોગી હશે.

અત્યાર સુધી ડિવાઇસમાં આવનારી GPS એપ્લિકેશન્સ અમેરિકન સેટેલાઇટ્સ દ્વારા આપવામાં આવી રહી ફીડ પર આધારિત  હતી પરંતુ UTraQ ભારતની પોતાની સેટેલાઇટ સિસ્ટમ પર આધારિત હશે જેના લોકેશન્સ સંબંધિત અને સૌથી ભરોસામંદ ડેટા મળશે.

તમને જણાવી દઇએ કે આ ઇવેન્ટમાં GPS મોડ્યૂલ લોન્ચ કર્યા હતા. એક હતુ L110 GNSS મોડ્યૂલ જે એક કોમ્પેક્ટ NavIC મોડ્યૂલ છે જ્યારે બીજુ L100 GNSS મોડ્યૂલ છે જે નાના સાઇટના POT (Patch on Touch) IRNSS મોડ્યૂલ છે. આ મોડ્યૂલ્સની ટ્રેકિંગ સિવાય રેન્જ જણવામાં કમાન્ડ આપવામાં અને સમય જણાવવા જેવા અન્ય કાર્યોમાં પણ કરી શકાશે .

આ મોડ્યૂલ્સને વાયુસેના નૌસેના આંતરિક સુરક્ષા સરહદ પર નજર રાખવા વાહનોને ટ્રેક કરવા જેવી સ્થિતિમાં વાપરી શકાશે. 1999માં થયેલા કારગિલ યુદ્ઘ વખતે પાકિસ્તાનની સેનાએ કારગિલના કેટલાય ભાગ પર કબ્જો કર્યો ત્યારે ભારતને પોતાની GPSની ખોટ વર્તાઇ તે વખતે ભારતે સમગ્ર સ્થિતિ તાગ મેળવવા માટે GPSનો ઉપયોગ કરવાનું વિચાર્યુ અને અમેરિકા પાસે મદદ માગી પરંતુ અમેરિકાએ ના પાડી દીધી હતી. 

એ વખતે અમેરિકન સેટેલાઇટ દ્વારા મહત્વની માહિતી મળી શકી હોત. જો કે હવે ભારતે કોઇના પર આશ્રિત રહેવાની જરૂર નથી. UTraQએ ISROને કંટ્રોલ કરશે અને તેના દ્વારા દેશને સચોટ માહિતી મળશે. UTraQ મોડ્યૂલ્સ L1 અને L5 બેન્ડ્સ EPOTM Orbit Prediction EASYTM  સેલ્ફ જનરેટેડ પ્રિડિક્શનને સપોર્ટ કરશે.