અર્થતંત્ર / મંદીના માહોલ વચ્ચે આવ્યા એવા સમાચાર કે મોદી સરકારને થશે હાશકારો

• ઈઝ ઓફ ડૂઈંગ બિઝનેસમાં સતત 5મી વાર પ્રગતિ
• 190 દેશોની યાદીમાં ભારત 63મા ક્રમે
• આ બિઝનેસમાં ઝડપથી સુધારો કરનાર ટોપ 10 દેશોમાં ભારત સામેલ
• 2014થી હાલ સુધી 79 અંકનો થયો સુધારો

ભારતમાં બિઝનેસ કરવાનું હવે વધારે સરળ બન્યું છે. ઈઝ ઓફ ડૂઈંગ બિઝનેસ રેંકિંગ એટલે કે DBRમાં ભારતનો ક્રમમાં સતત ઉછાળો આવ્યો છે. વર્લ્ડ બેંક દ્વારા જાહેર કરાયેલા રિપોર્ટ અનુસાર ભારત 14 ક્રમ આગળ વધીને 63મા સ્થાને પહોંચ્યું છે. પહેલાં તે 190 દેશના લિસ્ટમાં 77મા ક્રમે હતું. હવે તેની સ્થિતિ સુધરી ચૂકી છે.

છેલ્લા 3 વર્ષમાં ઝડપથી સુધારો લાવનારા ટોપ 10 દેશોમાં સામેલ

ખાસ વાત તો એ છે કે ઈઝ ઓફ ડૂઈંગ બિઝનેસ રેંકિંગમાં સતત પાંચમી વખત સુધારો જોવા મળ્યો છે. વર્ષ 2015થી તેમાં સતત સુધારો આવ્યો છે અને છેલ્લા 3 વર્ષથી ભારત આ બાબતમાં રેંકિંગમાં ઝડપથી સુધારો કરનારા ટોપ 10 દેશોમાં સામેલ છે.

આ બાબતોમાં આવ્યો છે ભારતમાં સુધારો

સરકારના સતત પ્રયાસોનું પરિણામ છે કે છેલ્લા પાંચ વર્ષ એટલે કે 2014-2019માં ભારતના ક્રમમાં સુધારો થયો છે. ભારત 10માંથી 7 સંકેતોમાં સુધારો લાવ્યું છે. ઈન્ટરનેશનલ બેસ્ટ પ્રેક્ટિસની નજીક પહોંચી ચૂક્યું છે. દેવાળિયા શોધન પ્રક્રિયા, કંસ્ટ્રક્શન પરમિટ, પ્રોપર્ટી રજિસ્ટ્રેશન, વિદેશ વ્યાપાર, ટેક્સ અદા કરવો વગેરે ઈન્ડિકેટર્સમાં ઘણો સુધારો આવ્યો છે. તેના કારણે ભારતનું રેન્કિંગ સુધર્યું છે. 

ઈઝ ઓફ ડૂઈંગ બિઝનેસમાં ભારતની રેન્કિંગમાં સુધારાના અનેક કારણો છે. ભારતે આ વર્ષે અનેક સ્તરે પોતાનું પરફોર્મન્સ સુધાર્યું છે જેમાં કેટલાક પ્રમુખ છે.

- વર્લ્ડ બેંકે સતત ત્રીજા વર્ષે ભારતને ટોપ 10 ઇમ્પ્રૂવર્સ એટલે કે સુધારો કરનારા દેશોમાં રાખ્યું છે.
- દેવાળિયા કેસમાં રિકવરી રેટમાં ઘણો સુધારો આવ્યો છે. જે 71.6 ટકાથી સુધરીને 26.5 ટકા પર પહોંચ્યો છે.
- દેવાળિયા કેસમાં નિર્ણય લાવવાનો સમય પણ ઘટ્યો છે. પહેલાં આ કેસમાં 4.3 વર્ષ લાગતા હતા જ્યારે હવે 1.6 વર્ષનો સમય લાગે છે.
- કન્સ્ટ્રક્શન પરમિટની પ્રોસિઝરની સંખ્યા પણ ભારતે ઘટાડી છે. 
- દક્ષિણ એશિયાઈ દેશોમાં ભારત પહેલાં સ્થાન પર કાયમ છે જ્યારે 2014માં તે છઠ્ઠા સ્થાન પર રહ્યું છે.