કોરોના સંકટ / કોરોના ટેસ્ટિંગને લઇને આવી રહ્યાં છે મહત્વના સમાચાર, ભારત આવી રહી છે ઇઝરાયલની ટીમ

ઇઝરાયલના દૂતાવાસ તરફથી જાહેર કરવામાં આવેલા નિવેદનમાં જણાવામાં આવ્યું છે કે આવનારા અઠવાડિયામાં ઇઝરાયલના વિદેશ, રક્ષા અને આરોગ્ય મંત્રાલયના નેતૃત્વમાં ભારત-ઇઝરાયલ એન્ટી-કોવિડ-19 કૉ-ઓપરેશન ઓપરેશન ચલાવામાં આવશે. ઇઝરાયલનું રક્ષા મંત્રાલયનો ઉચ્ચ શ્રેણીનું અનુસંધાન તેમજ વિકાસ દળ તેલ અવીવથી સ્પેશિયલ ફલાઇટમાં નવી દિલ્હી પહોંચશે. 

ઇઝરાયલની ટીમ ભારતના પ્રધાન વૈજ્ઞાનિક સલાહકાર  કે. વિજયરાઘવન અને DRDOની સાથે રેપિડ ટેસ્ટિંગ કિટ વિકસિત કરવા પર કામ કરી રહી છે. દૂતાવાસ તરફથી જાહેર કરવામાં આવેલ નિવેદનમાં જણાવામાં આવ્યું છે કે ભારતના વિકાસ તેમજ ઉત્પાદન ક્ષમતાઓનીસાથે ઇઝરાયલી ટેક્નોલોજીની ભાગીદારીથી કોરોના મહામારી વચ્ચે સામાન્ય જનજીવનને પાટા પર લાવવામાં મદદ કરશે. 

નિવેદનમાં જણાવામાં આવ્યું છે કે અંતમાં પ્લેનથી મિકેનિકલ વેંટિલેટર્સની ડિલીવરી થશે. ઇઝાયલની સરકારે ભારતને નિકાસ કરવાની વિશેષ મંજૂરી આપી દીધી છે.