નિંદા / ભારત તમારી સાથે છે, આ દેશમાં આતંકવાદી હુમલાને લઈને PM મોદીનું નિવેદન

• ફ્રાંસમાં થયો હતો આતંકવાદી હુમલો 
• PM મોદીએ આ હુમલાને વખોડયો 
• "ભારત આ લડાઈમાં ફ્રાન્સની સાથે છે": પીએમ મોદી 

પીએમ મોદી એ પોતાના ટ્વિટમાં લખ્યું છે કે, "ફ્રાન્સમાં તાજેતરમાં થયેલા આતંકી હુમલાની હું નિંદામાં કરું છું. એક ચર્ચની અંદર આ જઘન્ય કૃત્ય બનવા પામ્યું છે, પીડિતોના પરિવાર અને ફ્રાંસ ના લોકો પ્રત્યે ભારતની સંવેદનાઓ. ભારત આતંકવાદ સામેની લડતમાં ફ્રાન્સની સાથે છે. "

I strongly condemn the recent terrorist attacks in France, including today's heinous attack in Nice inside a church. Our deepest and heartfelt condolences to the families of the victims and the people of France. India stands with France in the fight against terrorism.

— Narendra Modi (@narendramodi) October 29, 2020

નાઇસ શહેરમાં આતંકની ઘટના

મહત્વનું છે કે ફ્રાંસ ના નાઇસ શહેરમાં એક ચર્ચમાં ગુરુવારે સવારે છરી દ્વારા હુમલો કરાયો હતો જેમાં ત્રણ લોકોનાં મોત નીપજ્યાં હતાં. આ આતંકી ઘટનામાં ઘણા લોકો ઘાયલ પણ થયા છે. આ ઘટના સવારે 9 વાગ્યેની છે. હુમલાખોરે એક મહિલાનું ગળું કાપી નાખ્યું હતું. કહેવામાં આવી રહ્યું છે કે આ આતંકી હુમલો શહેરના નોટ્રે ડેમ ચર્ચમાં થયો હતો.

આ હુમલો ત્યારે થયો જ્યારે ચર્ચમાં મોટી સંખ્યામાં લોકો પ્રાર્થના કરવા માટે એકઠા થયા હતા. નોંધનીય છે કે નોટ્રે ડેમ ચર્ચ એ નાઇસ શહેરના સૌથી મોટા ચર્ચોમાંનું એક છે. આ પહેલા પણ આ વિસ્તારમાં ગોળીબારનો અવાજ સંભળાયો હતો. અહીંના મેયર ક્રિશ્ચિયન એસ્ટ્રોસીએ જણાવ્યું હતું કે હુમલાખોરોની ધરપકડ કરવામાં આવી છે. તેમણે કહ્યું કે મૃત્યુ પામેલામાં એક ચર્ચનો વોર્ડન છે.

આ અગાઉ એક શિક્ષકની પણ હત્યા થઈ હતી 

અગાઉ, પેરિસના પરા વિસ્તારમાં એક શિક્ષકની હત્યા કરવામાં આવી હતી. મુહમ્મદ પયગંબર નાં કાર્ટૂન બતાવવા બદલ શિક્ષકની હત્યા કરાઈ હતી. આ ઘટના પછી, ફ્રાંસ ના રાષ્ટ્રપતિ ઇમેન્યુઅલ મેક્રોન, અભિવ્યક્તિની સ્વતંત્રતાના અધિકારને ભારપૂર્વક સમર્થન આપી રહ્યા છે અને કટ્ટર ઇસ્લામની તેમણે ટીકા કરી હતી, જેણે લઈને વિશ્વના અન્ય મુસ્લિમ દેશોમાં ફ્રાંસ નો ભારે વિરોધ થયો હતો, અને ફ્રાંસ ની ચીજોનું બહિષ્કાર કરવાનું શરૂ થયું હતું.