દેશમાં બુધવારે પેટ્રોલની કિંમત 100 રુપિયા પ્રતિ લિટરને પાર થઈ ગઈ છે. રાજસ્થાનનાં શ્રીગંગાનગરમાં પેટ્રોલ 100.07 રુપિયા પહોંચી ગયુ છે. એક માહિતી અનુસાર ભારતનાં પડોશી દેશ પાકિસ્તાનમાં પેટ્રોલ તેની અડધી કિંમતમાં વેચાઈ રહ્યું છે. જ્યારે ચીનમાં તેની કિંમત 74.74 રુપિયા લિટર છે.
હોંગકોંગમાં સૌથી વધારે 174.38 રુપિયા લિટર પેટ્રોલ વેચાય છે
રાજસ્થાનમાં પેટ્રોલ 100.07 રુપિયા લિટર પહોંચ્યુ
પેટ્રોલ પાકિસ્તાન કરતા બમણા ભાવે ભારતમાં વેચાય છે
પાડોશી દેશો કરતા ભારતમાં વધારે મોંઘુ પેટ્રોલ
ભારતનાં પાડોશી દેશો ભૂટાનમાં 49.56 રુપિયા, પાકિસ્તાનમાં 51.14 રુપિયા, શ્રીલંકામાં 60.26 રુપિયા, નેપાળમાં 68.98 રુપિયા, બાંગ્લાદેશમાં 76.41 રુપિયા જ્યારે ભારતમાં તેનાં પાડોશી દેશો કરતા સૌથી વધારે કિંમતમાં પેટ્રોલનું વેચાણ કરવામાં આવે છે.
રશિયા 47.40 રુપિયા પ્રતિ લિટર વેચે છે પેટ્રોલ
વિશ્વનાં મુખ્ય દેશોમાં નજર ફેરવીએ તો અમેરિકા 54.65 રુપિયા, રશિયા 47.40 રુપિયા, ચીન 74.74 રુપિયા, જર્મની 119.22 રુપિયા અને જાપાન 94.76 રુપિયા પ્રતિ લિટર પેટ્રોલનું વેચાણ કરે છે.
આ દેશમાં 1.45 રુપિયા પ્રતિ લિટર પેટ્રોલ વેચાય છે
બીજી તરફ હોંગકોંગમાં 174.38 રુપિયા, નેધરલેન્ડમાં 147.38 રુપિયા, સેન્ટ્રલ આફ્રિકન રિપબ્લિકન 148.08 રુપિયા, નોર્વેમાં 143.41 રુપિયા અને ગ્રીસમાં 135.61 રુપિયા પ્રતિ લિટર પેટ્રોલ વેચાય છે જે અન્ય દેશોની સરખામણીએ સૌથી વધારે કિંમતે પેટ્રોલનું વેચાણ કરે છે. બીજી તરફ વેનેઝુએલામાં 1.45 રુપિયા, ઈરાન 4.50 રુપિયા, 17.82 રુપિયા, અલ્જિરિયામાં 25.15 રુપિયા અને કુવૈતમાં 25.26 રુપિયા પ્રતિ લિટર પેટ્રોલ વેચાય છે જે અન્ય દેશોની સરખામણીએ સૌથી ઓછી કિંમત છે.
ભારતમાં સૌથી સસ્તુ પેટ્રોલ અરુણાચલનાં ઈટાનગરમાં
ભારતીય રુપિયાનાં હિસાબે વિશ્વમાં પેટ્રોલની પ્રતિ લિટર સરેરાશ કિંમત 78.65 રુપિયા છે. ભારતમાં સૌથી સસ્તુ પેટ્રોલ 83.19 રુપિયા લિટર અરુણાચલ પ્રદેશની રાજધાની ઇટાનગરમાં છે. દિલ્હીમાં તેની કિંમત 89.54 રુપિયા લિટર છે એટલે કે ભારતમાં વિશ્વનાં સરેરાશ ભાવ કરતા પણ પેટ્રોલ મોંઘુ છે.