વિશ્વના દેશોમાં સૈન્ય ખર્ચમાં ભારે વધારો જોવા મળી રહ્યો છે. આ દાયકામાં સૈન્ય ખર્ચમાં વર્ષ 2019માં સૌથી વધારે 3.6 ટકાની વૃદ્ધિ જોવા મળી. જેમાં સૌથી વધારે ખર્ચ કરતા દેશોમાં ભારત રશિયા અને સાઉદી અરબને પાછળ કરી ત્રીજા સ્થાને પહોંચી ગયું છે. અહેવાલ મુજબ અમેરિકા અને ચીન બાદ ભારત પોતાના સૈન્ય સંશાધન પર ખર્ચ કરે છે.
ટોપ 3 દેશોમાં એશિયાના બે દેશો ભારત અને ચીનનું નામ
વર્ષ 2018ની સરખામણીમાં 2019માં ભારતના સૈન્ય ખર્ચમાં 6.8 ટકાની વૃદ્ધિ
રશિયા અને સાઉદી અરબ અનુક્રમે ચોથા અને પાંચમાં સ્થાન પર
દુનિયાભરના દેશો પોતાની સુરક્ષા માટે સૈન્ય પર ખર્ચા કરે છે જેના પર સ્ટોકહોમ ઇન્ટરનેશનલ પીસ રીસર્ચ ઈન્સ્ટીટ્યુટ એટલે કે સિપ્રી દ્વારા કે અહેવાલ રજૂ કરવામાં આવ્યો છે. સિપ્રીના અહેવાલમાં દર્શાવવામાં આવ્યું કે પહેલીવાર ટોપ 3 દેશોમાં બે એશિયાના દેશોના નામે સામે આવ્યા હોય. આ યાદીમાં સૌથી વધારે ખર્ચ કરતા દેશમાં સૌથી વધારે ખર્ચ અમેરિકા જે બાદ અનુક્રમે ચીન અને ભારતનું નામ આવે છે.
અમેરિકા પોતાની સેના પાછળ કરે છે 732 અબજ ડોલરનો ખર્ચ
અહેવાલ મુજબ વર્ષ 2019માં વૈશ્વિક સૈન્ય ખર્ચ 1917 અબજ ડોલર રહ્યો જે વર્ષ 2018 કરતા 3.6 ટકા વધુ છે. જેમાં સૌથી વધારે ખર્ચ અમેરિકા કરે છે. પોતાના સૈન્ય સંશાધનો પાછળ અમેરિકાએ 732 અબજ ડોલર રૂપિયા ખર્ચ કર્યા. દુનિયામાં થતા સૈન્ય ખર્ચમાં સૌથી વધારે 38 ટકા ખર્ચ એકલું અમેરિકા કરે છે.
ભારતના સૈન્ય ખર્ચમાં જોરદાર વૃદ્ધિ
એશિયાના બે મોટા દેશ ચીન અને ભારત સૈન્ય ખર્ચમાં સૌથી વધુ વૃદ્ધિ કરતા દેશોમાં ટોપ 3માં સામેલ છે. અહેવાલ મુજબ ચીનના સૈન્ય ખર્ચમાં વર્ષ 2018ની સરખામણીમાં 5.1 ટકાની વૃદ્ધિ જ્યારે ભારતના સૈન્ય ખર્ચમાં 6.8 ટકાની વૃદ્ધિ જોવા મળી. ભારત પોતાના સૈન્ય સંશાધન પર 71.1 અબજ ડોલર રૂપિયાનો ખર્ચ કરે છે.
જ્યારે ચીન પોતાની સેના પર 261 ડોલરનો ખર્ચ કરે છે.
બે દેશો સાથે તણાવના કારણે વૃદ્ધિ
નોંધનીય છે કે ભારતનાં બંને પાડોશી દેશ પાક્સિતાન અને ચીન સાથે તણાવના કારણે ભારતના સૈન્ય ખર્ચમાં વધારો જોવા મળી રહ્યો છે. આ યાદીમાં ભારત બાદ રશિયા અને પાંચમાં સ્થાન પર સાઉદી અરબનું નામ આવે છે. નોંધનીય છે કે વર્ષ 1989 બાદથી વિશ્વના દેશોમાં સૈન્ય ખર્ચમાં ઉછાળો જોવા મળી રહ્યો છે. ભારત અને ચીન સિવાય સાઉથ કોરિયા અને જાપાનનું પણ નામ આ યાદીમાં સામેલ છે.