ચીનની હરકતો પર નજર રાખવા માટે, ભારત એક નાના દેશને આવી સિસ્ટમ આપી રહ્યું છે, જેનાથી ચીનની ચિંતા વધી જશે. ભારત ચીનને ઘેરવા માટે તેના પાડોશી દેશ ફિલિપાઈન્સ સાથે સંબંધો વધારી રહ્યું છે.ભારતના મિત્ર દેશ સમા ફિલિપાઈન્સને ભારત કોસ્ટલ સર્વિલાન્સ રડાર સિસ્ટમ આપવા જઈ રહ્યું છે જેનાથી દક્ષિણ ચીની સમુદ્રમાં ચીનની ગતિવિધિઓ ઉપર નજર રાખી શકાશે.
ચીનને ઘેરવા ભારતે અપનાવી નવી રણનીતિ
ચીનના પાડોશી દેશ ફિલિપાઇન્સને વેચશે સિસ્ટમ
કોસ્ટલ સર્વિલાન્સ રડાર સિસ્ટમ વેચશે ભારત
આ પ્રણાલીની મદદથી એ જાણી શકશે કે ચીન ફિલિપાઈન્સ ના સમુદ્ર વિસ્તારની આસપાસ શું કરે છે. ઉપરાંત ચીની વહાણો પર પણ નજર રાખી શકાશે. નોંધનીય છે કે ભારતની જેમ જ ચીનનો ફિલિપાઈન્સ સાથે પણ સરહદી વિવાદ ચાલે છે પરંતુ તે સમુદ્રી વિવાદ છે.
ભારત અને ફિલિપાઈન્સના વિદેશમંત્રીઓ વચ્ચે થઈ હતી વર્ચ્યુઅલ બેઠક
ભારત અને ફિલિપાઈન્સ ના વિદેશ મંત્રી જયશંકર અને ટિયોડોર લોકસિન જુનિયર ની વચ્ચે વર્ચ્યુઅલ બેઠક થઈ હતી જેમાં આ સમજૂતીઓ કરવામાં આવી હતી. વિદેશ મંત્રાલયે કહ્યું હતું કે ભારત અને ફિલિપાઈન્સ વ્યૂહાત્મક, સંરક્ષણ અને મેરીટાઇમ સહયોગ માટે સાથે આવ્યા છે, જેને લઈને બંને દેશીની વચ્ચે મિલિટ્રી ટ્રેનિંગ, શિક્ષા, અને ક્ષમતા વિકાસ માટે કામ કરવામાં આવશે, આ સિવાય આતંકરોધી કાર્યવાહી માટે પણ સાથે કામ કરવામાં આવશે.
વધુમાં જણાવ્યું હતું કે બંને દેશો વચ્ચે મહત્વપૂર્ણ માહિતીની આપલે કરવામાં આવશે જેથી બંને દેશો એક બીજાની સુરક્ષાને મજબૂત બનાવી શકે. મહત્વનું છે કે ઓક્ટોબરમાં ફિલિપાઇન્સ ના રાષ્ટ્રપતિ, રોડ્રિગો ડ્યુર્ટેની સરકારે દક્ષિણ ચીન સમુદ્રમાંથી તેલ કાઢવાના પ્રતિબંધને હટાવી લીધો હતો, જેથી હવે ફિલિપાઇન્સની કંપનીઓ ચીની કંપનીઓ સાથે મળીને તેલ ખનન કરી શકે છે. ચાઇના નેશનલ ઓફશોર ઓઇલ કોર્પોરેશન પણ આ પ્રોજેક્ટમાં સામેલ છે.
6 વર્ષ બાદ ફિલિપાઇન્સે હટાવ્યો પ્રતિબંધ
ફિલિપાઇન્સે 6 વર્ષ બાદ આ પ્રતિબંધ હટાવ્યો હતો. આ માટે ચીન અને ફિલિપાઇન્સની સરકારો વચ્ચે સમજૂતી થઈ છે. ફિલિપાઇન્સ સમજે છે કે આ કરારથી ચીનને કોઈ મુશ્કેલી નહીં થાય. જ્યારે, ચીનનું માનવું છે કે દક્ષિણ ચીન સમુદ્ર વિવાદિત ક્ષેત્ર છે. તેના પર તેનો અધિકાર છે. હવે જોવાનું એ છે કે બંને દેશો વચ્ચે જે સમજૂતી થઈ છે. તેમના મતે, ચીન ફિલિપાઇન્સને કેટલું કામ કરવાની મંજૂરી આપે છે.
ફિલિપાઇન્સ ના વિદેશ પ્રધાન ટીઓડોર લકસિને ટ્વિટ કર્યું છે કે તેઓ ઓનલાઇન અને અંતર શિક્ષણના ક્ષેત્રમાં ભારત ના અનુભવો પાસેથી શીખવાની આશા રાખે છે. તે જ સમયે, ભારતીય વિદેશ પ્રધાન એસ. જયશંકરે ફિલિપાઇન્સના વિદ્યાર્થીઓ, સંશોધનકારો અને શિક્ષણવિદોનું સ્વાગત કર્યું છે. સંયુક્ત ફેલોશિપ કાર્યક્રમની સુવિધાઓનો લાભ લેવા તેમને આમંત્રણ પણ અપાયું છે.
ભારતે ફિલિપાઈન્સને આપ્યું છે આમંત્રણ
મહત્વનું છે કે ભારતે ફિલિપાઇન્સ ને ઇન્ટરનેશનલ સોલર એલાયન્સ અને કોલિશન ફોર ડિઝાસ્ટર રેસીલન્ટ ઈન્ફ્રાસ્ટ્રક્ચરમાં જોડાવા આમંત્રણ પણ આપ્યું છે. જો કોસ્ટલ સર્વેલન્સ રડાર સિસ્ટમ અંગે ભારત અને ફિલિપાઇન્સ વચ્ચે સમજૂતી થાય છે, તો તે ચીનની ગતિવિધિઓ પર નજર રાખવાનું સરળ બનાવશે.