કૂટનીતિ / તાઈવાન પર આ મોટો નિર્ણય કરીને ચીનને જોરદાર ઝટકો આપવાની તૈયારીમાં મોદી સરકાર !

• વિશ્વ સ્વાસ્થ્ય સભામાં ભાગ લેવામાટે ચીને ભારત પાસે માંગી હતી મદદ 
• ભારતે વિશ્વના કેટલાક દેશો સાથે વાટાઘાટો શરુ કરી હોવાના સંકેત 
• ચીન પણ પોતાના મિત્ર દેશોને એકજુટ કરવાના કામમાં લાગ્યું 

તાઈવાને ભારત પાસે માંગી હતી મદદ 

ચીન વર્ષોથી તાઈવાનને પોતાનું અભિન્ન અંગ ગણાવતું આવ્યું છે પરંતુ તાઈવાન ક્યારે ચીનની સાથે જોડાવવા માટે રાજી થયું નહીં. આ જ કારણ છે કે તાઈવાને હાલમાં જ ભારત પાસે વર્લ્ડ હેલ્થ અસેમ્લીની બેઠકમાં સામેલ થવા માટે ભારતની મદદ માંગી હતી. તાઈવાનની માંગ છે કે આ બેઠકમાં તાઈવાનને એક અલગ દેશ તરીકે સામેલ કરવામાં આવે. 

તાઈવાનને આ બેઠકમાં સામેલ કરાવવાના કામમાં લાગ્યું ભારત 

નોંધનીય છે કે ચીન સાથે ભારતના સંબંધ હંમેશાથી ઉપર-નીચે થયા કરે છે. એવામાં અત્યારે ભારત પાસે મોટી કૂટનીતિક તક છે. આ જ કારણ છે કે ભારતે હવે તાઈવાનની મદદ કરવા માટે દુનિયાની મદદ કરવાનીએ શરૂઆત કરી દીધી છે. સૂત્રો દ્વારા મળતી માહિતી મુજબ વિદેશ સચિવ હર્ષવર્ધન શ્રુન્ગલાએ 20 માર્ચથી જ અમેરિકા, ઓસ્ટ્રેલિયા, જાપાન, ન્યૂઝીલેન્ડ, સાઉથ કોરિયા અને વિયેતનામ જેવા દેશો સાથે વાતચીત કરવાની શરૂઆત કરી દીધી હતી. આટલું જ નહીં સાત દેશોના ગ્રુપમાંથી ચાર અમેરિકા, જાપાન, ઓસ્ટ્રેલિયા અને ન્યૂઝીલેન્ડે તો તાઈવાનને એક પર્યવેક્ષક તરીકે સામેલ કરવા માટે હસ્તાક્ષર પણ કરી દીધા છે.આ સિવાય આ દેશોએ એમ પણ કહ્યું કે તાઈવાનનું આ બેઠકમાં સામેલ થવું એ સાર્થક અને મહત્વપૂર્ણ છે. 

ડ્રેગન લાલચોળ : 

નોંધનીય છે કે ભારતની રણનીતિ પર ચીન લાલચોળ થઇ રહ્યું છે. જ્યારે તાઈવાને ભારતથી મદદ માંગી હતી ત્યારે ચીન એમ્બેસીના પ્રવકતાએ કહ્યું કે આ મામલે વનચાઈના સિદ્ધાંત અનુસાર જ નિર્ણય લેવા જોઈએ. તેમણે કહ્યું કે તાઈવાન ચીનનું અભિન્ન અંગ છે અને તે ધ્યાનમાં રાખવું આવશ્યક છે. ગુસ્સે ભરાયેલા ચીને પણ હવે ભારત સામે પોતાના મિત્ર દેશો સાથે વાતચીત શરુ કરી દીધી છે. તાઈવાનને એક અલગ દેશ તરીકે વિશ્વ સ્વાસ્થ્ય સભામાં ભાગ ન મળે તે માટે ચીન પણ પોતાના પૂરાં પ્રયત્નો કરશે. 

કોરોના મુદ્દે તાઈવાને સૌથી પહેલા આપી હતી ચેતવણી 

નોંધનીય છે કે તાઈવાને ઘણીવાર દુનિયા સામે ચીનનો અસલી ચહેરો જાહેર કર્યો છે. જ્યારે ચીનમાં આ વાયરસ ફેલાઈ રહ્યો હતીઓ ત્યારે તાઈવાને જ સૌથી પહેલા વિશ્વ સ્વાસ્થ્ય સંગઠન અને વિશ્વને ચેતવણી આપી હતી કે ચીનમાંથી દુનિયામાં ફેલાય તેવો વાયરસ આવ્યો છે. આટલું જ નહીં ચીનથી એકદમ નજીક હોવા છતાં કોરોના સામે  લડવામાં તાઇવાનને સફળતા પ્રાપ્ત થઇ છે.