ટક્કર / મિશન શક્તિ બાદ આવતા મહિને ભારત પ્રથમ 'અંતરિક્ષ યુદ્ધાભ્યાસ' કરશે

આ અભ્યાસ મુખ્યત્વે ટેબલ-ટોપવાર ગેમ પર આધારિત  હશે. જેમાં સેના અને વૈજ્ઞાનિક સમુદાયના લોકો ભાગ લેશે.  આમ અંતરિક્ષમાં ચીનને ટક્કર આપવા અને પોતાની રાષ્ટ્રીય સુરક્ષાને વધુ મજબૂત કરવા માટે ભારતે તૈયારી કરી લીધી છે. ભારતે માર્ચમાં જ એન્ટી-સેટેલાઇ (A-Sat) મિસાઇલનું સફળ પરીક્ષણ કર્યું હતું.

 હાલમાં ટ્રાઇ સર્વિસ ડિફેન્સ સ્પેસ એજન્સીની શરૂઆત પણ કરી છે. હવે આવતા મહિને પ્રથમ વખત 'અંતરિક્ષ યુધ્ધઅભ્યાસ' કરવાની યોજના બનાવી છે. જેનું નામ 'IndSpaceEx' આપવામાં આવ્યું છે. આ અભ્યાસ મૂળ રીતે એક 'ટેબલ-ટોપ વોર-ગેમ' પર આધારીત હશે. ભારતને અવકાશમાં વિરોધીઓ પર નજર, સંચાર, મિસાઇલની પૂર્વ ચેતાવણી અને સટીક ટારગેટ લગાવવા જેવી વસ્તુઓની આવશ્યકતા છે.

જેને લઇને આપણી સશસ્ત્ર બળની વિશ્વસનીયતા વધશે અને રાષ્ટ્રીય સુરક્ષા વધારે મજબૂત બનશે. ચીને 2007ના જાન્યુઆરીમાં હવામાન ઉપગ્રહ વિરુધ્ધ એ-સેટ મિસાઇલનો ઉપયોગ કર્યો હતો. ભારતના ડીઆરડીઓના અધ્યક્ષ જી સતીશ રેડ્ડીએ કહ્યું હતું કે ભારત કાઉન્ટર સ્પેસ ક્ષમતાઓને વિકસિત કરવાનું કામ કરી રહ્યું છે.