ઓલમ્પિક 2024 / ઓલિમ્પિકમાં ભારતીય હોકી ટીમને ગોલ્ડ મેડલની આશા, ટીમના ખેલાડીએ કહી મોટી વાત

આગામી દિવસોમાં પેરિસ ખાતે શરૂ થનાર ઓલિમ્પિક ગેમ 2024 માં ભારતીય હોકી ટીમના ખેલાડીઓ ભાગ લેવા જઇ રહ્યા છે. ગત ઓલિમ્પિક ગેમમાં ભારતેે હોકીમાં બ્રોન્ઝ મેડલ જીત્યો હતો. ત્યારે આ ઓલિમ્પિક દરમ્યાન ગોલ્ડ મેડલ લાવવા જુસ્સા સાથે ટીમના દરેક ખેલાડીઓએ તૈયારી શરૂ કરી દીધી છે. ત્યારે ટીમના ખેલાડી અને ઓલિમ્પિકમાં પ્રથમવાર રમી રહેલ ભારતીય હોકી ટીમના ખેલાડી સુખજીત સિંહે જણાવ્યું હતું કે મને ભારતીય હોકી ટીમ પાસેથી સારામાં સારું પ્રદર્શન કરે તેવી આશા છે. જોકે આ વખતે ભારતીય ટીમ માટે ગોલ્ડ મેડલ જીતવું સહેલું નહી હોય. કારણ કે ગ્રુપ સ્ટેજથી જ ભારતીય ટીમનો મુકાબલો અન્ય મોટી ટીમો સાથે થવા જઇ રહ્યો છે. ત્યારે પ્રથમવાર ભારતીય હોકી ટીમ તરફથી ઓલિમ્પિકમાં રમવા જઈ રહેલ સુખજીત સિંહે મોટું નિવેદન આપ્યુ હતુ. તેઓએ વધુમાં જણાવ્યુ હતુ કે ઓલિમ્પિકમાં રમવુ મારા અને મારા પરિવાર માટે એક મોટા સ્વપ્ન સમાન છે.

શું કહ્યુ સુખજીત સિંહે

સુખજીત સિંહે જણાવ્યું હતુ કે પાંચ મહિના સુધી પથારીવશ રહેવું તે મારા માટે સૌથી મુશ્કેલ સમય હતો. જેના કારણે હું માનસિક અને શારીરિક રૂપે તૂટી ગયો હતો. હોકી રમવી દૂરની વાત મારાથી ચાલી શકાતુ પણ ન હતું. મને મારા પગે ઉભો કરવામાં મારા પરિવારજનોએ મહત્વની ભૂમિકા નિભાવી છે. જેના આધારે હું હોકી રમવા જઈ રહ્યો છું.

પરિવારજનોની મને મેદાનમાં હોકી રમતો જોવાની ઈચ્છાના કારણે મને દર્દ અને મુશ્કેલીઓ સામે લડવાની તાકાત મળી છે. છેલ્લા 2 વર્ષ મારા માટે ઘણા સારા રહ્યા છે. હવે મારો સંપૂર્ણ ફોકસ પેરિસ ઓલિમ્પિક પર છે. હું મારી તરફથી ટીમમાં સારામાં સારુ રમવા અને સર્વોચ્ચ સન્માન અપાવવા કટિબદ્ધ છું.

વધુ વાંચો : ક્રિકેટર દિપક હુડ્ડા બ્યૂટી ગર્લના પ્રેમમાં ક્લીન બોલ્ડ, કરી લીધા લગ્ન, કપલની સુંદર તસવીરો કરી શેર

કેવું રહ્યુ સુખજીત સિંહનું પ્રદર્શન

સુખજીત સિંહ ભારત તરફથી 70 મેચ રમી ચુક્યા છે. જેમાં તેઓએ 20 ગોલ માર્યા છે. ભુવનેશ્વરમાં 2023 માં રમાયેલ એફઆઇએચ હોકી વર્લ્ડકપમાં 6 મેચોમાં 3 ગોલ મારીને મહત્વની ભૂમિકા ભજવી હતી. તથા પાછલા વર્ષે ચેન્નઇમાં રમાયેલ એશિયાઇ ચેમ્પિયનશીપ ટ્રોફી અને હેંગઝોઉ એશિયાઇ રમતોમાં સુવર્ણ પદક જીતનાર ટીમમાં રમ્યા હતા. શારીરિક ઇજામાંથી સ્વસ્થ થયા પછી વર્ષ 2021-22માં એફઆઇએચ પ્રો લીગ સત્ર દરમિયાન સ્પેન સામેની ડેબ્યૂ મેચમાં ગોલ કર્યો હતો.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ