સિદ્ધિ / જય હો..! આ મામલે ભારત દુનિયાનો બીજા નંબરનો સૌથી મોટો દેશ બન્યો

રિલાયન્સ જિઓ (Reliance Jio) ઇન્ફોકોમે ભારતમાં ઇન્ટરનેટ (Internet) પ્રયોગની દિશા બદલી દીધી છે. ઇન્ટરનેટ ટ્રેન્ડ્સ પર વર્ષ ર૦૧૯ના મેરી મિકર રિપોર્ટમાં કહેવાયું છે કે ચીન પછી ભારત દુનિયાનો સૌથી મોટો ઇન્ટરનેટ યુઝર દેશ બની ગયો છે. રિપોર્ટનું કહેવું છે કે રિલાયન્સ જિઓનાં પ્રયાસોને જોતાં ભારત ઇન્ટરનેટ યુઝર્સમાં ૧ર ટકા સુધીનું યોગદાન આપી રહ્યું છે. અમેરિકાથી બહાર આવેલી ઇન્ટરનેટ કંપનીઓમાં જિઓ સૌથી ઇનોવેટિવ ઇન્ટરનેટ કંપની બની ગઇ છે.

રિપોર્ટ મુજબ હાલમાં ૩૦૮ કરોડ લોકો ઇન્ટરનેટનો ઉપયોગ કરી રહ્યા છે જે દુનિયાની અડધાથી વધુ વસ્તી છે. ઇન્ટરનેટ યુઝર્સમાં ર૧ ટકાની ભાગીદારી સાથે ચીન સૌથી આગળ છે. અમેરિકામાં વૈશ્વિક ઇન્ટરનેટ ઉપયોગ કર્તાઓનો આધાર આઠ ટકા છે. રિપોર્ટનું કહેવું છે કે ઇન્ટરનેટ યુઝર્સના વૃદ્ધિદરમાં મજબૂતાઇ, પરંતુ ધીમી ગતિ છે. ગયા વર્ષે આ વિકાસદર ૬ ટકા હતા, જ્યારે તેનાં આગલા વર્ષે સાત ટકા હતાં.

રિપોર્ટ અનુસાર ૩૦.૭ કરોડ મોબાઇલ ફોન સર્વિસ ગ્રાહકો સાથે રિલાયન્સ જિઓ ઇ-કોમર્સ માટે ઓનલાઇન પહોંચી રહી છે. રિપોર્ટનું માનવું છે કે જિઓની ફ્રી વોઇસ કોલ અને સસ્તા ડેટા પ્લાનના કારણે એક વર્ષમાં બે ગણો ડેટા ઉપયોગ વધ્યો છે. રિપોર્ટમાં ભારતના ઇન્ટરનેટના નિયમોને સંતુલિત ગણાવાયા છે. હજુ પણ કંપની ભારતની ૯પ ટકા વસ્તી સુધી સીધી પોતાની પહોંચ બનાવવાની કોશિશમાં લાગી છે.