બ્રિક્સ દેશો દ્વારા સાથે મળીને ન્યુ ડેવલોપમેન્ટ બેન્કની સ્થાપના કરવામાં આવી છે. આ બેંકની સ્થાપનાનો મુખ્ય ઉદ્દેશ પશ્ચિમના દેશોના વર્ચસ્વ ધરાવતા વર્લ્ડ બેંક અને IMF જેવી સંસ્થાઓ સાથે સ્પર્ધા કરવાનો છે. ન્યુ ડેવલપમેન્ટ બેંક નું મુખ્ય મથક હાલમાં શાંઘાઈ (ચીન) માં છે.
NCR માં વિકાસ માટે મળશે લોન
500 મિલિયન ડોલરની લોન લેવામાં આવશે
બ્રિક્સ દેશોએ મળીને બનાવી છે બેન્ક
ભારત સરકાર, ગૃહ નિર્માણ અને શહેરી બાબતોના મંત્રાલય, નેશનલ કેપિટલ ટેરીટરી ટ્રાન્સપોર્ટ કોર્પોરેશન લિમિટેડ અને ન્યૂ ડેવલપમેન્ટ બેંક (એનડીબી) એ આજે 'દિલ્હી-ગાઝિયાબાદ- મેરઠે પ્રાદેશિક એક્સિલરેટેડ ટ્રાન્સપોર્ટ સિસ્ટમ પ્રોજેક્ટને 500 મિલિયન ડોલર ની લોન આપવાના કરાર પર હસ્તાક્ષર કર્યા.
કેવી રીતે બની આ બેન્ક?
ન્યુ ડેવલપમેન્ટ બેન્ક જે અગાઉ બ્રિકસ બેંક તરીકે અનૌપચારિક રૂપે પણ જાણીતી હતી. બ્રિક્સ એ જૂથના દેશો દ્વારા સ્થાપિત ન્યુ ડેવલપમેન્ટ બેન્ક એ બેન્કનું સત્તાવાર નામ છે. 2014 બ્રિક્સ સંમેલનમાં, 100 અબજ ડોલરની પ્રારંભિક અધિકૃત મૂડી સાથે ન્યુ ડેવલપમેન્ટ બેન્ક સ્થાપિત કરવાનો નિર્ણય લેવામાં આવ્યો હતો. માનવામાં આવે છે કે પશ્ચિમના દેશોના વર્ચસ્વ ધરાવતા વર્લ્ડ બેંક અને IMF જેવી સંસ્થાઓ સામે આ બેંક અને તેનું ફંડ ઊભું કરવામાં આવી રહ્યું છે.
આ બેંકનું મુખ્ય મથક ચીનના શાંઘાઇમાં છે. આપને જણાવી દઈએ કે આ બેંકની સ્થાપનાનો વિચાર ભારત દ્વારા વર્ષ 2012 માં દિલ્હીમાં આયોજિત ચોથી બ્રિક્સ સમિટમાં પ્રસ્તાવ મૂક્યો હતો.
સૌથી મોટા શહેરી કેન્દ્રોમાંથી એક છે NCR
NCR એ વિશ્વના સૌથી મોટા શહેરી સંગઠનોમાંનું એક અને ભારતનું એક મોટું આર્થિક કેન્દ્ર છે. કાર્યક્ષમ જાહેર પરિવહન વિકલ્પોના અભાવને કારણે, NCR માં ખાનગી વાહનોની સંખ્યા ઝડપથી વધી છે.NCR ના દિલ્હી-ગાઝિયાબાદ-મેરઠ કોરિડોરમાં દૈનિક મુસાફરોનો ટ્રાફિક ઘણો બધો છે, જેમાંથી 63% ટ્રાફિક માટે ખાનગી વાહનોનો ઉપયોગ કરે છે. ટ્રાફિક ભીડને કારણે, દિવસના વ્યસ્ત સમય (પીક અવર્સ) દરમિયાન માર્ગ દ્વારા દિલ્હી અને મેરઠ વચ્ચે જવા માટે લગભગ 3 થી 4 કલાકનો સમય લાગે છે.
વાહનોની સંખ્યામાં ઝડપથી વધારાએ NCR ને વિશ્વના સૌથી પ્રદૂષિત ક્ષેત્રમાં સ્થાન આપ્યું છે. એવો અંદાજ છે કે 2030 સુધીમાં NCR વિશ્વના સૌથી વધુ વસ્તીવાળા શહેરી સંગઠનનો ભાગ બનશે, જે આવાસ, પાણી પુરવઠા, વીજળી અને પરિવહન જેવા માળખાકીય સુવિધાઓ પર દબાણ વધારશે. માટે ભાવિ જરૂરીયાતો અને પર્યાવરણને ધ્યાને રાખીને NCR માં પાયાથી નવી માળખાગત સુવિધા ઊભી કરવા માટે આ લોન મેળવવામાં આવી છે