IPLIN
 
  • Home
  • India
  • India has announced an economic package of crores to Sri Lanka,

પાડોશી ધર્મ / આ પડોશી દેશમાં ખાવાના પણ ફાંફાં પડ્યા તો ભારત આવ્યું મદદે, અબજોની મદદ કરતાં દુનિયાભરમાં થયા વખાણ

Team VTV 03:34 PM, 17 Jan 22 | Updated: 03:37 PM, 17 Jan 22
Follow us
India has announced an economic package of crores to Sri Lanka,

ભારતે નાદાર થવાને આરે ઉભેલા શ્રીલંકાને આર્થિક મદદ કરીને બચાવી લીધુ. 90 કરોડ ડોલરનું ભારતે શ્રીલંકાને આપ્યુ ધિરાણ

  • ભારતે નિભાવ્યો પાડોશી ધર્મ
  • શ્રીલંકાને ભારતે કરી આર્થિક મદદ
  • ભારતની લોકો કરી રહ્યા છે પ્રશંસા

ભારતે વધુ એકવાર પોતાનો પાડોશી ધર્મ નિભાવ્યો છે. ભારતે આર્થિક સંકટ સામે લડી રહેલા શ્રીલંકાને આર્થિક રીતે કંગાળ થવાથી બચાવી લીધુ છે. ભારતે શ્રીલંકાને મદદરુપે 90 કરોડ ડોલરનું ધિરાણ આપવાની જાહેરાત કરી છે.શ્રીલંકાના પ્રમુખ અર્થશાસ્ત્રી અને શ્રીલંકાની સેન્ટ્રલ બેંકના પૂર્વ ડે.ગર્વનર ડબલ્યુએ વિજેવર્ધને ભારતની આ મદદ માટે વખાણ કર્યા છે. અને કહ્યુ કેભારતે શ્રીલંકાનેે આર્થિક મદદ કરીને શ્રીલંકાની ડૂબતી નાવને હાલ બચાવી લીધી છે.સાથે તેઓએ શ્રીલંકાની આર્થિક સ્થિતિને લઇને રાષ્ટ્રપતિ ગોટાબાયા રાજપક્ષેને પણ ચેતાવણી આપી.

શ્રીલંકાનું વિદેશીભંડોળ ખાલી

શનિવારે અર્થશાસ્ત્રી વિજેવર્ધને રાષ્ટ્રપતિને ચેતવણી આપતા જણાવ્યુ હતુ કે વિદેશીભંડોળની અછત સામે ઝઝૂમી રહેલા શ્રીલંકાએ તાત્કાલિક આંતરરાષ્ટ્રીય મુદ્રા કોષ પાસેથી ઉધાર લેવાની જરુર પડશે.શ્રીલંકાનુ વિદેશી મુદ્રા ભંડોળ લગભગ ખાલી થઇ ગયુ છે. અને તમામ જરુરી વસ્તુઓની અછત વર્તાઇ રહી છે. દેશમાં મોંઘવારી ચરમસીમાએ છે. આવી સ્થિતિમાંથી બહાર નીકળવા ભારતે ગુરુવારે 90 કરોડ ડોલરનું ધિરાણ શ્રીલંકાને આપવાની જાહેરાત કરી હતી.

બે મહિનાની રાહત થઇ- વિજેવર્ધન

વિજેવર્ધને જણાવ્યુ કે ભારતની મદદથી શ્રીલંકાની સરકારને 2 મહિનાની રાહત મળશે. વધુમાં જણાવ્યુ કે આવ એવો કપરો સમય છે જેમાં આર્થિક સુધારો લાગુ કરવાની આવશ્યકતા છે. અમારે સ્થાયી સમાધાન માટે આઇએમએફ પાસેથી ઉધાર લેવાની જરુર છે. 

શ્રીલંકામાં ભારતીય ઉચ્ચાયુક્તનું શું છે કહેવું ?

ભારતીય ઉચ્ચાયોગ તરફથી એક ટ્વિટ કરીને જણાવવામાં આવ્યુ છેકે આ આર્થિક મદદથી 50.9 કરોડથી વધારે રકમ એશિયન ક્લિયરીંગ યુનિયન કરારને સ્થગિત કરવા અને 40 કરોડ ડોલરની કરન્સી અદલા બદલી સામેલ છે.

 ભારતીય વિદેશ મંત્રાલયે શું કહ્યું ?

ભારતીય વિદેશ મંત્રાલય તરફથી જાહેર કરવામાં આવેલા એક નિવેદનમાં કહેવામાં આવ્યુ છે કે કોવિડ-19 મહામારીથી ઉતપન્ન આર્થિક અને અન્ય પડકારો પર કાબૂ મેળવવા દરેક સંભવિત પ્રયાસો થકી ભારત શ્રીલંકાનું સમર્થન કરશે. વિદેશમંત્રીએ શ્રીલંકાના નાણામંત્રી સાથે વાતચીત દરમિયાન જણાવ્યુ હતુ કે નજીકના મિત્રો અને સમુદ્રી પાડોશી દેશના રુપમાં ભારત અને શ્રીલંકા બંને ઘનિષ્ઠ આર્થિક સંબંઘોથી લાભ ઉઠાવવા માટે તૈયાર છે.

લોકો ભારતની કરી રહ્યા છે સરાહના

ભારતે કરેલી આર્થિક મદદની શ્રીલંકન લોકો પણ સરાહના કરી રહ્યા છે. ટ્વિટર પર એક યૂઝરે લખ્યુ છે કે વર્ષ 2022ની પ્રેરણાદાયી શરુઆત. 

પાડોશી દેશ ભારત મદદ SriLanka
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ