સપોર્ટ / UNSC માં ભારતના સ્થાયી સભ્યપદ માટે UK બાદ ફ્રાન્સનું પણ સમર્થન

• UNSCમાં ભારતનું સ્થાયી સભ્યપદ માટે ફ્રાન્સનું સમર્થન
• આ પહેલા યુનાઇટેડ કિંગડમે પણ સમર્થન આપ્યું હતું
• ભારત સહીત અન્ય દેશોને પણ મળશે સ્થાયી સભ્યપદ

સંયુક્ત રાષ્ટ્ર સુરક્ષા પરિષદ (UNSC)માં સ્થાયી સભ્યપદ માટે યુનાઇટેડ કિંગડમ બાદ ભારતને ફ્રાન્સનું સમર્થન મળ્યું છે. ભારતની સાથે આ દેશોએ જર્મની, જાપાન અને બ્રાઝિલને પણ લોબિંગ કર્યું છે. શુક્રવારે સુરક્ષા પરિષદના સુધારા પર યુએનએસસીની વાર્ષિક ચર્ચાને સંબોધતા, ફ્રેન્ચ નાયબ પ્રતિનિધિ નથાલી બ્રોડહર્સ્ટ એસ્ટિવલે જણાવ્યું હતું કે, "ફ્રાન્સ જર્મની, બ્રાઝિલ, ભારત અને જાપાનની કાયમી બેઠકો માટે કાયમી સભ્યો તરીકેની ઉમેદવારોને સમર્થન આપે છે."

અત્યંત સંવેદનશીલ મુદ્દો
"અમે કાઉન્સિલના કાયમી સભ્યો સહિત આફ્રિકન દેશોમાંથી પણ વધુ પ્રતિનિધિત્વ ઈચ્છીએ છીએ, કારણ કે ભૌગોલિક પ્રતિનિધિત્વ સુનિશ્ચિત કરવા માટે ઘણી બેઠકો વહેંચવી જોઈએ," તેમણે ઉમેર્યું. એસ્ટીવલે કહ્યું કે વીટોનો મુદ્દો અત્યંત સંવેદનશીલ છે. 

યુકેએ પણ ભારતને સમર્થન કર્યું હતું
અગાઉ, યુકેએ પણ યુએનએસસીના કાયમી સભ્યપદ માટે ભારતને સમર્થન આપ્યું હતું. સંયુક્ત રાષ્ટ્રમાં બ્રિટનના રાજદૂત બાર્બરા વુડવર્ડે જણાવ્યું હતું કે, "અમે ભારત, જર્મની, જાપાન અને બ્રાઝિલ માટે નવી સ્થાયી બેઠકોની રચના તેમજ કાઉન્સિલમાં કાયમી આફ્રિકન પ્રતિનિધિત્વને સમર્થન આપીએ છીએ. "વુડવર્ડે જણાવ્યું હતું કે યુકે સભ્યપદની અસ્થાયી શ્રેણીના વિસ્તરણને પણ સમર્થન આપે છે.